भारत विरुद्ध इंग्लंड संघात कसोटी मालिकेतील पाचवा सामना गुरुवारपासून (7 मार्च) सुरु झाला. धरमशाला येथे झालेल्या या कसोटीत भारताकडून रोहित शर्मा आणि शुभमन गिल यांनी शतकी खेळी केली आहे.
या दोघांनी या सामन्याच्या दुसऱ्या दिवशी शतकाला गवसणी घातली. रोहितचे हे 12 वे कसोटी शतक ठरले, तर गिलने चौथे कसोटी शतक ठरले. या सामन्यात दुसऱ्या दिवसाचे पहिले सत्र रोहित आणि गिल यांनी पूर्ण खेळून काढताना शतकी भागीदारीही केली.
या सामन्यात इंग्लंडचा संघ पहिल्याच दिवशी 218 धावांवर बाद झाला होता. त्यानंतर फलंदाजीला उतरलेल्या भारतीय संघाने पहिली विकेट्स यशस्वी जयस्वालच्या रुपात गमावली. पण त्यानंतर गिल आणि रोहित यांची जोडी जमली. त्यांनी फिरकीपटूंविरुद्ध आक्रमक फलंदाजीही केली.
रोहितने डावाच्या 58 व्या षटकाच्या शेवटच्या चेंडूवर एकेरी धाव काढत त्याच्या शतकाला गवसणी घातली. त्याने 154 चेंडूत त्याचे हे शतक पूर्ण केले. तसेच पुढच्याच 59 व्या षटकाच्या दुसऱ्या चेंडूवर गिलनेही चौकार ठोकत त्याचे शतक पूर्ण केले. त्याने 137 चेंडूत त्याचे शतक पूर्ण केले.
त्यांनी एकापोपाठ एक सेलिब्रेशन करत शानदार सेलिब्रेशनही केले. यावेळी ड्रेसिंग रुममध्ये संघसहकाऱ्यांनी या दोघांचेही टाळ्या वाजवत कौतुक केले. त्यांच्या शतकामुळे भारताने दुसऱ्या दिवसाच्या पहिल्या सत्रात 60 षटकात 1 बाद 264 धावा केल्या होत्या.
लक्षात घेण्यासारखी गोष्ट अशी की रोहित आणि गिल यांचे इंग्लंडविरुद्धच्या या मालिकेतीलही हे प्रत्येकी दुसरे शतक आहे. तसेच या दोघांनीही या मालिकेत 400 धावांचा टप्पाही पार केला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.