एमआयच्या टिळक वर्माचे रवी शास्त्रींनी केले तोंड भरून कौतुक

माजी भारतीय कर्णधार आणि राष्ट्रीय संघाचे माजी मुख्य प्रशिक्षक रवी शास्त्री यांनी (Ravi Shastri) मुंबई इंडियन्सचा (Mumbai Indians) युवा फलंदाज टिळक वर्माच्या (Tilak Varma) कामगिरीने आणि त्याच्याकडे असलेल्या शॉट्स खेळण्याच्या पद्धतीने खूप प्रभावित झाले आहेत. (Ravi Shastri praised MI's Tilak Verma)

टिळक वर्माने शनिवारी डॉ डी वाय पाटील स्पोर्ट्स अकादमी, मुंबई येथे राजस्थान रॉयल्स विरुद्ध (Rajasthan Royal) 33 चेंडूत 61 धावा केल्या. स्टार स्पोर्ट्सवरील क्रिकेट लाइव्हवर बोलताना रवी शास्त्री म्हणाले की, "मुंबई इंडियन्ससाठी खेळलेल्या दोन्ही डावांमध्ये टिळकने भरपूर क्षमता दाखवली. त्याचे शॉट्स-फ्रंट फूट, बॅक फूट, स्वीप या खेळीला पाहून मी प्रभावित झालो आहे आणि त्याचे शॉट सिलेक्शन देखील खूप चांगले आहे.

तरुण खेळाडूसाठी त्याची संयम, देहबोली आणि स्वभाव खूपच चांगला आहे. त्याने अतिशय आत्मविश्वासाने फलंदाजी केली आहे. या खेळाडूमध्ये पुढे जाण्याची पुर्णपणे क्षमता आहे." सूर्यकुमार यादव यांच्यासह टिळक वर्मा मुंबई इंडियन्सची मधली फळी मजबूत करतील, असा दावाही शास्त्री यांनी केला आहे.

"टिळक वर्माने त्याच्या फलंदाजीने सकारात्मक हेतू दाखवला आणि मुंबई इंडियन्ससाठी ही चांगलीच चिन्हे आहेत. एकदा सूर्यकुमार यादव प्लेइंग इलेव्हनमध्ये परतला की मुंबईची मधली फळी मजबूत होईल," असे देखील शास्त्री म्हणाले. MI ला अजून IPL 2022 मध्ये त्यांचे पॉइंट टॅली उघडणे बाकी आहे कारण त्यांनी दिल्ली कॅपिटल्स (DC) आणि राजस्थान रॉयल्स (RR) विरुद्धचे पहिले दोन सामने गमावले. पुण्यातील एमसीए स्टेडियमवर बुधवारी त्यांचा पुढील सामना कोलकाता नाईट रायडर्सशी (KKR) होणार आहे.