रशीद खानने दाखवली 'करामती' शैली; व्हिडीओ व्हायरल

IPL मध्ये गुजरातला विजेता बनवल्यानंतर राशिद खान (Rashid Khan) राष्ट्रीय कर्तव्य बजावताना दिसून येत आहे. खरे तर अफगाणिस्तान संघ झिम्बाब्वे दौऱ्यावर आहे आणि जिथे अफगाणिस्तानचा संघ 3 वनडे आणि 3 टी-20 सामने खेळणार आहे. पहिल्या T20 मध्ये अफगाणिस्तानने अप्रतिम खेळ दाखवत 60 धावांनी विजय मिळवला आहे. (Rashid Khan unique style The video goes viral)

या सामन्यात अफगाणिस्तानचे फलंदाज आणि गोलंदाज तितकेच अप्रतिम होते, मात्र नेहमीप्रमाणे राशिद खानने पुन्हा एकदा करामती करत त्याच्या अष्टपैलू कामगिरीने सर्वांचे लक्ष वेधून घेतले. त्याने पहिल्या एकदिवसीय सामन्यात केवळ 17 चेंडूत 39 धावांची खेळी केली. एक खेळी खेळली ज्यात 4 चौकार त्याने मारले आणि 2 षटकार, गोलंदाजी करताना, 10 ओव्हरमध्ये 39 धावा देत 2 विकेट घेण्यात यशस्वी ठरला आहे.

मोहम्मद नबीने 4 बळी घेतले असले तरी रहमत शाहने फलंदाजी करताना 120 चेंडूत 94 धावा केल्या आणि कर्णधार हशमतुल्लाह शाहिदीने 104 चेंडूत 88 धावा केल्या, तसेच संघाची धावसंख्या 276 बनवण्यात महत्त्वाची भूमिका बजावली म्हणायला हरकत नाही. त्यामुळेच रहमत शाहला सामनावीराचा किताब देण्यात आला आहे.

पण ज्या पद्धतीने रशीदने फलंदाजी आणि गोलंदाजी केली त्यामुळे त्याचे सोशल मीडियावर कौतुकाचे पुल बांधले जात आहेत. एवढेच नाही तर या क्रिकेटरने स्वतःच्या कामगिरीचा एक व्हिडिओ सोशल मीडियावर शेअर केला, ज्यामध्ये रशीद फलंदाजी करत आहे आणि मिस्ट्री बॉलला पॅव्हेलियनचा रस्ता दाखवला आहे.

फलंदाजीच्या व्हिडिओमध्ये रशीदने हेलिकॉप्ट शॉटव्यतिरिक्त नो लुक शॉट मारून गोलंदाजांना आश्चर्यचकित केले आहे. नो लुक शॉटमध्ये रशीदने खाली बसून षटकार मारला आणि हा शॉट पाहून असे वाटले की त्याने डोळे न मिटता षटकार मारला आहे. रशीदच्या 'मंत्रमुग्ध' शैलीने चाहते खुष झाले आहेत.