Nepal men's cricket team to tour India for a T20 tri-series Schedule:
यावर्षी जूनमध्ये टी20 वर्ल्डकप 2024 स्पर्धा खेळवण्यात येणार आहे. या मोठ्या स्पर्धेपूर्वी नेपाळ संघ भारत दौऱ्यावर येणार आहे. या दौऱ्यात नेपाळला तिरंगी टी20 मालिका खेळायची आहे. ही मालिका भारतीय क्रिकेट नियमाक मंडळाकडून (BCCI) आयोजित करण्यात येणार आहे.
या तिरंगी मालिकेचा हेतू नेपाळला टी20 वर्ल्डकपची तयारी करण्यासाठी आहे. या तिरंगी मालिकेचे नाव फ्रेंडशीप कप ठेवण्यात आले आहे.
नेपाळ संघ ही तिरंगी मालिका बडोदा क्रिकेट असोसिएशन आणि गुजराज क्रिकेट असोसिएशन बरोबर खेळणार आहे. याबद्दल नुकतीच नेपाळ क्रिकेट असोसिएशनने माहिती दिली आहे. ही तिरंगी मालिका 31 मार्चपासून चालू होणार आहे.
पहिला सामना नेपाळ विरुद्ध गुजरात संघात रंगणार आहे. तसेच अंतिम सामना 7 एप्रिलला खेळवला जाणार आहे.
ही फ्रेंडशिप कप मालिका एकदाच होणार नाही, तर त्याचा समावेश वार्षिक वेळापत्रकातही करण्यात येण्यासाठी प्रस्ताव मांडण्यात आला आहे. यामुळे भारत आणि नेपाळ यांच्यातील मैत्रीला आणि खिलाडूवृत्तीला प्रोत्साहन मिळेल.
दरम्यान, ही मालिका नेपाळसाठी महत्त्वाची ठरणार आहे. कारण नेपाळने कॅरेबियन बेटे (वेस्ट इंडिज) आणि अमेरिकेत होणाऱ्या टी20 वर्ल्डकप 2024 स्पर्धेसाठी पात्रता मिळवली आहे. त्यामुळे त्याआधी ही मालिका होणार असल्याने नेपाळला तयारी करताना बीसीसीआयच्या बलाढ्य राज्य संघांविरुद्ध खेळण्याची संधी मिळणार आहे.
नेपाळची गुजरात आणि बडोदाविरुद्ध होणारी टी20 मालिका वापीमधील साई मेघपण स्पोर्ट्सलाईफ फॅसिलिटीमध्ये खेळवण्यात येणार आहे.
31 मार्च - नेपाळ विरुद्ध गुजरात
1 एप्रिल - गुजरात विरुद्ध बडोदा
2 एप्रिल - नेपाळ विरुद्ध बडोदा
3 एप्रिल - नेपाळ विरुद्ध गुजरात
4 एप्रिल - बडोदा विरुद्ध गुजरात
5 एप्रिल - नेपाळ विरुद्ध बडोदा
7 एप्रिल - अंतिम सामना
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
