Mumbai Indians Emotional Post for Rohit Sharma after announced Hardik Pandya as a New Captain:
मुंबई इंडियन्सने शुक्रवारी (15 डिसेंबर) सर्वांना धक्का देणारा निर्णय जाहीर केला. मुंबईने इंडियन्सने आयपीएल 2024 पूर्वी हार्दिक पंड्याकडे कर्णधारपद सोपवले आहे. त्यामुळे आता रोहित शर्मा मुंबई इंडियन्सचा कर्णधार नसणार हे स्पष्ट झाले आहे.
रोहित शर्माने 2013 साली मुंबई इंडियन्सचा पूर्णवेळ कर्णधार म्हणून जबाबदारी स्विकारली होती. तेव्हापासून त्याने 10 वर्षे या संघाचे यशस्वी नेतृत्व केले. त्याने गेल्या 10 वर्षांत मुंबई इंडियन्सला 5 वेळा कर्णधार म्हणून आयपीएल विजेतेपद, तर एक चॅम्पियन्स लीगचे विजेतेपद जिंकून दिले.
दरम्यान, आता त्याने दिलेल्या योगदानाबद्दल मुंबई इंडियन्सने रोहितचे आभार मानले आहेत. त्यांनी एक भावूक व्हिडिओही शेअर केला आहे.
या व्हिडिओमध्ये गेल्या 10 वर्षातील रोहितचे खास क्षण शेअर करण्यात आले आहेत. यामध्ये रोहितने अनेकदा उंचावलेली आयपीएल ट्रॉफीबरोबरचेही फोटोही दिसत आहेत.
तसेच या व्हिडिओच्या कॅप्शनमध्ये लिहिले आहे की 'प्रिय रो, 2013 साली तू मुंबई इंडियन्सचा कर्णधार झालास. तू आम्हाला विश्वास ठेवायला सांगितला. तू आम्हाला जय-परायजयात हसायला सांगितले. 10 वर्षे आणि 6 ट्रॉफीनंतर, आत्ता आपण इथे आहोत. तू आमने कायमचा कर्णधार आहेस, तुझा वारसा मुंबई इंडियन्सच्या इतिहासात कोरलेला असेल. कर्णधार रो, तुझे आभार.'
मुंबई इंडियन्सने रोहितच्या नेतृत्वाखाली 2013, 2015, 2017, 2019 आणि 2020 साली आयपीएलचे विजेतेपद जिंकले. तसेच 2013 साली चॅम्पियन्स लीगही मुंबईने त्याच्या नेतृत्वाखाली जिंकली.
रोहितने 163 सामन्यांत मुंबई इंडियन्सचे नेतृत्व करताना 91 सामन्यांत विजय मिळवले आणि 68 सामन्यांत पराभव स्विकारले आहेत. तसेच 4 सामने बरोबरीत सुटले आहेत.
हार्दिक पंड्याला मुंबई इंडियन्सकडून बराच काळ खेळण्याचा अनुभव आहे. पण गेली दोन वर्षे तो संघात नव्हता. त्याला मुंबई इंडियन्सने 2022 आयपीएलपूर्वी करार मुक्त केले होते. त्यानंतर हार्दिक गुजरात टायटन्स संघाकडून कर्णधार म्हणून आयपीएलमध्ये खेळला.
त्याच्या नेतृत्वाखाली गुजरातने 2022 आयपीएलचे विजेतेपद जिंकले, तर 2023 साली गुजरात उपविजेते होते. पण, आता आयपीएल 2024 पूर्वी मुंबई इंडियन्सने हार्दिकला गुजरात टायटन्सकडून ट्रेड करत संघात घेतले आणि आता त्याच्याकडे कर्णधारपदाची जबाबदारी दिली.
हार्दिक मुंबईकडून 2015 ते 2021 दरम्यान आयपीएल खेळला आहे. त्याने 2015 साली आयपीएलमध्ये मुंबई इंडियन्सकडूनच पदार्पण केले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
