IPL 2022: मॅच दरम्यान हर्षल पटेलच्या बहिणीचे निधन, सामन्यानंतर घराकडे रवाना

आयपीएल 2022 (IPL 2022) मध्ये खेळणारा आरसीबीचा (RCB) खेळाडू हर्षल पटेलच्या (Harshal Patel) बहिणीचे दु:खद निधन झाले. 9 एप्रिल रोजी मुंबई इंडियन्सविरुद्ध (Mumbai Indian) सामना खेळत असताना त्याच्या बहिणीचा मृत्यू झाला. (IPL 2022 Hershel Patels sister dies during match he goes home after match)

पीटीआयने दिलेल्या माहितीनुसार, सामना संपल्यानंतर हर्षल एका दिवसासाठी घरी परतला. आता तो 12 एप्रिलला CSK विरुद्धच्या सामन्यापूर्वी संघात सामील होण्याची शक्यता वर्तवली जात आहे. मात्र, ते सामील झाल्यावर क्वारंटाइन यंत्रणा काय असेल, हे सध्यातरी स्पष्ट झालेले नाहीये.

हर्षल पटेल गेल्या दोन वर्षांपासून रॉयल चॅलेंजर्स बंगळुरूसाठी स्टार परफॉर्मरचा किताब मिळवत आहे. मुंबई इंडियन्सविरुद्धच्या सामन्यातही त्याने 2 बळी घेत संघाच्या 7 विकेटने विजयात देखील महत्त्वाची भूमिका बजावली होती.

संध्याकाळच्या सामन्यात बंगळुरूविरुद्ध प्रथम फलंदाजी करताना मुंबईने सूर्यकुमार यादवच्या अर्धशतकाच्या जोरावर 6 बाद 151 धावा केल्या होत्या. हर्षलने या सामन्यात शानदार गोलंदाजी करत 4 षटकात 23 धावा देत 2 बळी आपल्या नावावर केल्या होत्या. लक्ष्याचा पाठलाग करताना बंगळुरूने 18.3 षटकांत 3 गडी गमावून विजयाचा किताब नावावर केला. अनुज रावतने नाबाद 66 धावांची खेळी केली तर विराट कोहली 48 धावा करून बाद झाला होता.