India Vs South Africa: भारतीय संघाचा वेस्ट इंडिज दौरा सुरु झाला आहे. कसोटी मालिकेतील पहिला सामना डॉमिनिका येथे खेळला जात असून टीम इंडिया मजबूत स्थितीत असल्याचे दिसत आहे.
टीम इंडिया ही कसोटी आणि मालिका जिंकेल, याबद्दल कोणालाही शंका नाही. दरम्यान, रोहित शर्माच्या नेतृत्वाखालील संघासमोर खरे आव्हान वर्षाच्या अखेरीस येईल, जेव्हा त्यांना दक्षिण आफ्रिकेचा दौरा करावा लागेल.
वेस्ट इंडिजनंतर टीम इंडियाची पुढील मालिका डिसेंबरमध्ये सुरु होणार असून त्याचे वेळापत्रक जाहीर करण्यात आले आहे.
दुसरीकडे, दीड वर्षापूर्वीही टीम इंडियाने (Team India) दक्षिण आफ्रिकेचा दौरा केला होता, जिथे कसोटी आणि एकदिवसीय मालिका खेळली गेली होती. यामध्ये भारतीय संघाला दोन्ही मालिकेत पराभवाला सामोरे जावे लागले होते.
कसोटी मालिकेसह कोहलीचे कर्णधारपदही संपुष्टात आले होते. तर एकदिवसीय मालिकेपूर्वी त्याच्याकडून कर्णधारपद काढून घेण्यात आले होते.
आता पुन्हा एकदा दक्षिण आफ्रिकेतील (South Africa) पहिली कसोटी मालिका जिंकण्याच्या इराद्याने टीम इंडिया डिसेंबरच्या अखेरीस दौऱ्यावर जाणार आहे. बीसीसीआयने शुक्रवारी, 14 जुलै रोजी या दौऱ्याचे वेळापत्रक जाहीर केले.
भारतीय संघ सुमारे महिनाभर दक्षिण आफ्रिकेत असेल, जिथे टी-20, एकदिवसीय आणि कसोटी मालिका खेळवली जाईल. त्याची सुरुवात 10 डिसेंबरपासून टी-20 मालिकेने होणार आहे. T20 मालिका आणि एकदिवसीय मालिकेत प्रत्येकी तीन सामने खेळवले जातील.
टी-20 नंतर 17 डिसेंबरपासून एकदिवसीय मालिका सुरु होईल, तर दोन सामन्यांची कसोटी मालिका 26 डिसेंबरपासून म्हणजेच बॉक्सिंग डेपासून सुरु होईल.
मालिकेतील पहिला सामना सेंच्युरियनमध्ये तर दुसरा कसोटी सामना 3 जानेवारीपासून केपटाऊनमध्ये खेळवला जाणार आहे.
T20 मालिका
पहिला T20 सामना: रविवार, 10 डिसेंबर - हॉलीवूडबेट्स किंग्समीड स्टेडियम, डर्बन
दुसरा T20 सामना: मंगळवार, 12 डिसेंबर – सेंट जॉर्ज पार्क, गकेबरहा
तिसरा T20 सामना: गुरुवार, 14 डिसेंबर - डीपी वर्ल्ड वांडरर्स स्टेडियम, जोहान्सबर्ग
वनेड मालिका
पहिली वनडे: रविवार, 17 डिसेंबर - बेटवे पिंक डे - डीपी वर्ल्ड वांडरर्स स्टेडियम, जोहान्सबर्ग
दुसरी वनडे: मंगळवार, 19 डिसेंबर – सेंट जॉर्ज पार्क, गेबरहा
तिसरी वनडे: गुरुवार, 21 डिसेंबर – बोलंड पार्क, पार्ल
कसोटी मालिका
पहिली कसोटी: 26 डिसेंबर ते 30 डिसेंबर - सुपरस्पोर्ट पार्क, सेंच्युरियन
दुसरी कसोटी: 3 जानेवारी – 7 जानेवारी – न्यूलँड्स क्रिकेट ग्राउंड, केपटाऊन
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
