Women T20: 'ब' वर 'क' वरचढ; अखेरच्या चेंडूवर 'क'चा चित्तथरारक विजय

पणजी: महिलांच्या 19 वर्षांखालील टी-20 चॅलेंजर करंडक क्रिकेट स्पर्धेत भारत-क संघाने विजेतेपद मिळविले. अंतिम लढतीत त्यांनी भारत-ब संघाला पाच विकेट राखून हरविले. सामना सोमवारी पर्वरी येथील जीसीए मैदानावर झाला.

( India c team wins Women's Under-19 T20 Challenger Trophy Cricket Tournament )

भारत-ब संघाने प्रथम फलंदाजी करताना 4 बाद 113 धावा केल्या, त्यानंतर भारत-क संघाने शेवटच्या चेंडूवर विजयी धाव घेत 5 बाद 114 धावा करून सामना जिंकला. त्यापूर्वी तिसऱ्या क्रमांकाच्या लढतीत भारत-अ संघाने भारत-ड संघाला 46 धावांनी पराजित केले. भारत-अ संघाच्या 3 बाद 135 धावांना उत्तर देताना ‘ड’ संघाला 7 बाद 89 धावाच करता आल्या. हा सामना चित्तथरारक झाला

संक्षिप्त धावफलक (अंतिम सामना): भारत-ब : 20 षटकांत 4 बाद 113 (श्वेता सेहरावत 51, राघवी 37, रमा कुशवाह नाबाद 12) पराभूत वि. भारत-क : 20षटकांत 5 बाद 114 (जी. त्रिशा 32, ब्रिस्टी माजी 32, निकी प्रसाद 16, एन. क्रांती रेड्डी नाबाद 18, निर्मिती राणे 3-11).