IND vs AUS: इंदूरमध्ये रंगणार तिसऱ्या कसोटीचा थरार! टीम इंडियाच्या प्लेइंग इलेव्हनमध्ये होणार...

IND vs AUS, 3rd Test: भारतीय संघ बुधवारी बॉर्डर गावस्कर करंडक स्पर्धेच्या तिसर्‍या कसोटीसाठी इंदूरच्या होळकर मैदानावर उतरणार आहे.

तेव्हा घरच्या मैदानावर सलग 16व्या मालिका विजयासह वर्ल्ड टेस्ट चॅम्पियनशिप (WTC) च्या अंतिम फेरीत आपले स्थान निश्चित करण्याचा त्यांचा मानस असेल.

दुसरीकडे, चार सामन्यांच्या मालिकेत पुनरागमन करण्यासाठी ऑस्ट्रेलियाला कसरत करावी लागणार आहे. भारतीय संघाने पहिले दोन सामने जिंकून बॉर्डर-गावस्कर करंडक जिंकला असून या सामन्यात संघ निवडीचे मोठे आव्हान आहे. खराब फॉर्मशी झुंजत असलेले लोकेश राहुल आणि शुभमन गिल यांच्यापैकी संघाला निवड करावी लागेल.

टीम इंडियाच्या प्लेइंग इलेव्हनमध्ये होणार हे धक्कादायक बदल!

राहुल आता उपकर्णधार नाही, पण संघ व्यवस्थापनाने त्याच्यावर प्रचंड विश्वास दाखवला आहे. अशा परिस्थितीत त्याला आपली लय शोधण्याची आणखी एक संधी मिळू शकते. फिरकीपटूंचे वर्चस्व असलेल्या मालिकेतील आतापर्यंतचे एकमेव शतक रोहित शर्माच्या (Rohit Sharma) बॅटमधून झाले आहे.

तसेच, भारतीय संघाला पहिल्या दिवशी फलंदाजीची संधी मिळाली, तर चेतेश्वर पुजारा आणि विराट कोहलीसारख्या दिग्गजांना धावांचा डोंगर उभारण्याची संधी असेल.

चेंडूसह चमकदार कामगिरी करण्याव्यतिरिक्त, रवींद्र जडेजा (Ravindra Jadeja), रविचंद्रन अश्विन आणि अक्षर पटेल या त्रिकुटाने चांगल्या धावाही काढल्या आहेत.

त्यांच्याकडून मधल्या फळीत नियमित धावा करण्याची अपेक्षा करता येत नसली तरी वरच्या फळीला ही जबाबदारी घ्यावी लागेल.

त्याचबरोबर, भारतीय फिरकीपटूंविरुद्ध स्वीप शॉट्स खेळण्याची ऑस्ट्रेलियन फलंदाजांची रणनीती पूर्णपणे अपयशी ठरली, परंतु प्रतिस्पर्धी फिरकीपटूंविरुद्ध भारतीय फलंदाजांनी पारंपरिक पद्धतीचा अवलंब केला आणि त्याचा फायदाही त्यांना झाला.

संघ:

भारत: रोहित शर्मा (कर्णधार), लोकेश राहुल, शुभमन गिल, चेतेश्वर पुजारा, विराट कोहली, श्रेयस अय्यर, केएस भरत, इशान किशन, रविचंद्रन अश्विन, अक्षर पटेल, कुलदीप यादव, रवींद्र जडेजा, मोहम्मद शमी, मोहम्मद सिराज, उमेश यादव, सूर्यकुमार यादव, जयदेव उनाडकट.

ऑस्ट्रेलिया: स्टीव्ह स्मिथ (कर्णधार), स्कॉट बोलँड, अॅलेक्स कॅरी, कॅमेरॉन ग्रीन, पीटर हँड्सकॉम्ब, ट्रॅव्हिस हेड, उस्मान ख्वाजा, मॅट कुह्नेमन, मार्नस लॅबुशेन, नॅथन लियॉन, लान्स मॉरिस, टॉड मर्फी, मॅथ्यू रेनशॉ, मिचेल स्टार्क, मिचेल स्वीपसन.