ICC ODI Cricket World Cup 2023 Rules:
वर्ल्डकप 2023 स्पर्धेला गुरुवार (5 ऑक्टोबर) सुरुवात होत आहे. त्यामुळे पुढचे 46 दिवस क्रिकेटचा महासंग्राम अनुभवण्यासाठी क्रिकेट चाहते आतुर आहेत. पहिला सामना अहमदाबादमधील नरेंद्र मोदी क्रिकेट स्टेडियमवर खेळवण्यात येणार आहे. हा सामना इंग्लंड आणि न्यूझीलंड संघात होणार आहे.
दरम्यान, पहिलाच सामना इंग्लंड आणि न्यूझीलंड यांच्यात होणार असल्याने अनेकांना 2019 वर्ल्डकपच्या अंतिम सामन्याची आठवण आली असेल. याच दोन संघात 14 जुलै 2019 रोजी अंतिम सामना पार पडला होता. वर्ल्डकपच्या इतिहासातील सर्वात रोमांचक सामन्यांमध्ये हा सामना गणला गेला.
वर्ल्डकप 2019 च्या अंतिम सामन्यात 50-50 षटकांनंतर बरोबरी झाली होती, त्यानंतर सुपर ओव्हर खेळवण्यात आली. पण सुपर ओव्हरमध्येही बरोबरी झाल्यानंतर बाउंड्री काउंटच्या नियमानुसार इंग्लंडला विजयी घोषित करण्यात आले होते. त्यामुळे इंग्लंडने पहिल्यांदा वनडेचे विश्वविजेतेपद जिंकले, तर न्यूझीलंड उपविजेते राहिले.
मात्र या सामन्यानंतर बाउंड्री काउंटच्या नियमावर प्रचंड टीका झाली, अखेर हा नियम बदलण्यात आला.
दरम्यान, आता सामना बरोबरीत सुटला तर बाउंड्री काउंटचा नियम रद्द करण्यात आला आहे. नवीन नियमानुसार जर सामना निर्धारित षटकांनंतर बरोबरीत सुटला तर सुपर ओव्हर खेळवण्यात येईल. पण जर पहिली सुपर ओव्हरही बरोबरीत सुटली, तर जोपर्यंत विजेता संघ मिळत नाही, तोपर्यंत सुपर ओव्हर खेळवण्यात येणार आहेत.
दरम्यान वर्ल्डकप 2023 स्पर्धेत सॉफ्ट-सिग्नलचाही नियम काढून टाकण्यात आला आहे. यापूर्वी तिसऱ्या पंचांकडे जेव्हा खेळाडू बाद की नाबाद तपासण्यासाठी जायचा, तेव्हा मैदानावरील पंचांना बाद की नाबाद याबद्दल सॉफ्ट सिग्नल द्यावा लागत होता. त्यावेळी मैदानावरील पंचांचा निर्णय बदलण्यासाठी तिसऱ्या पंचांना निर्णयकारक पुरावे असणे आवश्यक होते.
मात्र, आता त्यामुळे आता बदललेल्या नियमानुसार ज्यावेळी विकेट तपासण्याची जबाबदारी तिसऱ्या पंचांवर येईल, तेव्हा त्यांनांच अंतिम निर्णय घ्यावा लागणार आहे. मैदानावरील पंच कोणत्याही प्रकारे सॉफ्ट सिग्नल देणार नाहीत.
याशिवाय वर्ल्डकप 2023 सामन्यांसाठी मैदानावरी बाऊंड्री लाईन 70 मीटरपेक्षा लहान नसणार आहे. प्रत्येक मैदानातील बाउंड्री लाईन ही कमीत कमी 70 मीटर अंतरावर असणे आवश्यक असणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.