Goa Womens Cricket: गोव्याच्या महिला हैदराबादला भिडल्या, गुवाहाटीत विजयी सलामी

गोव्याच्या महिलांनी शानदार अष्टपैलू खेळ केला.
तनया नाईक
तनया नाईकदैनिक गोमन्तक

गोव्याच्या सीनियर महिला क्रिकेट संघाने एकदिवसीय क्रिकेट स्पर्धेत विजयी सलामी देताना हैदराबादला 91 धावांनी नमविले. सामना गुवाहाटी येथील नेहरू स्टेडियमवर झाला.

गोव्याच्या महिलांनी शानदार अष्टपैलू खेळ केला. नाणेफेक जिंकून प्रथम फलंदाजी करताना गोव्याने 7 बाद 231 धावा केल्या. नंतर हैदराबादला 6 बाद 140 धावांत रोखले.

तनया नाईक
IND vs NZ: भारत-न्यूझीलंड मालिकेतील दुसऱ्या वनडेपूर्वीच आली मोठी बातमी, रोहितचं जाणार कर्णधारपद!

गोव्याच्या सलामीच्या दोघीही लवकर बाद झाल्यानंतर तनया नाईक (46), सुनंदा येत्रेकर (33), संजुला नाईक (43), श्रेया परब (43) यांच्या शानदार फलंदाजीमुळे गोव्याला आव्हानात्मक धावसंख्या उभारता आली.

तनया व सुनंदा यांनी तिसऱ्या विकेटसाठी 55 धावांची, तर तनया व संजुला यांनी चौथ्या विकेटसाठी 68 धावांची भागीदारी केली. तळात विनवी गुरव (17) व पूर्वा भाईडकर (19) यांनीही आक्रमक फलंदाजी केल्यामुळे गोव्याला सव्वादोनशे धावांच्या पुढे जाता आले.

हैदराबादच्या डावात त्रिशा पुजिता (53) व प्रणवी चंद्रा (37) यांनी चौथ्या विकेटसाठी 86 धावांची भागीदारी केली, पण 189 चेंडूंतील ही भागी खूपच संथ ठरली. त्यामुळे त्यांना 232 धावांचे आव्हान झेपले नाही. त

नया नाईक हिने अष्टपैलू चमक दाखवताना 10 षटकांत फक्त 18 धावा देत एक विकेट प्राप्त केली. कर्णधार सुनंदा येत्रेकरने दोन, तर मेताली गवंडर व पूर्वा भाईडकर यांनीही एक गडी बाद केला. दीक्षा गावडेला विकेट मिळाली नाही, तिनेही खूपच किफायतशीर मारा केला.

तनया नाईक
IND vs NZ: शानदार, जबरदस्त, जिंदाबाद...! सेलिब्रेशननंतर Gillच्या द्विशतकाचे टीम इंडियाने गायले गोडवे

संक्षिप्त धावफलक

गोवा: 50 षटकांत 7 बाद 231 (पूर्वजा वेर्लेकर 6, निकिता मळीक 2, तनया नाईक 46, सुनंदा येत्रेकर 33, संजुला नाईक 43, श्रेया परब 43, तेजस्विनी दुर्गड 3, विनवी गुरव नाबाद 17, पूर्वा भाईडकर नाबाद 19, भोगी श्रावणी 3-46)

वि. वि. हैदराबाद: 50 षटकांत 6 बाद 140 (अनुराधा नायक 15, त्रिशा पुजिता 53, प्रणवी चंद्रा 37, निकिता मळीक 2-0-15-0, मेताली गवंडर 7-1-22-1, पूर्वा भाईडकर 10-2-29-1, दीक्षा गावडे 10-1-23-0, तनया नाईक 10-2-18-1, सुनंदा येत्रेकर 10-0-30-2, संजुला नाईक 1-0-3-0).

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com