पत्नीने घातली फुटबॉलपटू वेन रूनीच्या घराबाहेर जाण्यावर बंदी

फुटबॉल विश्वातील अनेक खेळाडू नेहमीच चर्चेत असतात. यापैकीच एक दिग्गज खेळाडू वेन रुनी (Wayne Rooney) सध्या त्याच्या वैयक्तिक आयुष्यामुळे चर्चेत आहे. वेन रुनीच्या पत्नीने फुटबॉलपटूला (Football) एकट्याने घराबाहेर पडण्यास बंदी घातली आहे आणि आता त्याच्यावर 24 तास लक्ष ठेवले जात आहे. द सनच्या रिपोर्टनुसार, 36 वर्षीय वेन रुनीवर त्याची पत्नी कॉलिनने चोवीस तास नजर ठेवण्याचा निर्णय घेतला आहे. या दोघांचे 13 वर्षांचे वैवाहिक जीवन वाचवण्याचा हा एकमेव मार्ग असल्याचे एका रिपोर्टमध्ये म्हटले आहे.

कॉलिनने त्याच्या भावाला किंवा त्याच्या जवळच्या व्यक्तीला वेन रुनीवर लक्ष ठेवण्यास सांगितले आहे जेणेकरून तो कुठे निघून जाऊ नये. वेन रुनीचे सतत नशेत राहणे आणि बाहेरील महिलांशी संबंध ठेवल्याने या दोघांनाही वैवाहिक जिवनात अनेक समस्यांचा सामना करावा लागत आहे. या दोघांच्या लग्नात अनेकवेळा दुरावा आला आहे, ज्याचे मुख्य कारण दारू आहे. दारूच्या नशेत असलेल्या वेन रुनीने अनेकवेळा असे प्रकार केले आहेत, ज्यामुळे त्यांच्या वैवाहिक जिवनात अनेकदा भांडणं झाली आहेत.

डार्बी काउंटीचा बॉल वेन रुनी याच कारणांमुळे चर्चेत आहे. गेल्या वर्षी जुलैमध्ये वेन रुनीचे काही फोटो व्हायरल झाले होते, ज्यामध्ये तो हॉटेलच्या खोलीत काही मुलींसोबत दिसला होता. विशेष बाब म्हणजे या आठवड्यात वेन रुनीच्या जीवनावरील बायोपिक प्रदर्शित होणार आहे. हा बायोपिक अॅमेझॉन प्राइम व्हिडिओवर प्रदर्शित होणार आहे, ज्याचे बजेट 1 मिलियन युरो सांगितले जात आहे. 2004 मध्ये वेन रुनीचे नावही एका सेक्स स्कँडलमध्ये आले होते. मँचेस्टर युनायटेडकडून खेळताना 21 वर्षांच्या एस्कॉर्टला 140 युरो देत शारिरीक संबध ठेवल्याचे पुढे आले होते.