England create World Record during Cricket World Cup 2023 match against New Zealand:
वर्ल्डकप 2023 स्पर्धेत पहिला सामना इंग्लंड विरुद्ध न्यूझीलंड संघात गुरुवारी खेळला गेला अहमदाबादमधील नरेंद्र मोदी स्टेडियमवर झालेल्या या सामन्यात इंग्लंडने एक विश्वविक्रम केला आहे.
या सामन्यात न्यूझीलंडने नाणेफेक जिंकून प्रथम गोलंदाजी करण्याचा निर्णय घेतला होता. त्यामुळे इंग्लंड संघ प्रथम फलंदाजीसाठी उतरला. इंग्लंडला या सामन्यात 300 धावांचा पल्ला गाठण्यात अपयश आले मात्र, त्यांच्याकडून फलंदाजीसाठी उतरलेल्या सर्व 11 खेळाडूंनी मिळून विश्वविक्रमाला गवसणी घातली.
इंग्लंडकडून या सामन्यात सर्व 11 फलंदाजांनी फलंदाजी केली. विशेष म्हणजे फलंदाजीला उतरलेल्या सर्व 11 खेळाडूंनी 10 धावांचा आकडा म्हणजे दोन आकडी धावसंख्या पार केली. त्यामुळे वनडे क्रिकेटच्या इतिहासात पहिल्यांदाच असे झाले की एका डावात एखाद्या संघाच्या सर्व 11 खेळाडूंनी दोन आकडी धावा केल्या.
इंग्लंड आणि न्यूझीलंड संघातील हा वनडे इतिहासातील 4658 वा सामना होता. पण यापूर्वी खेळवण्यात आलेल्या 4657 सामन्यात एकदाही असा पराक्रम कोणत्याही संघाला करता आला नव्हता.
इंग्लंडकडून जो रुटने सर्वाधिक 77 धावांची खेळी केली. तसेच कर्णधार जॉस बटलरने 43 धावा केल्या. याशिवाय इंग्लंडच्या खालच्या फळीनेही महत्त्वाचे योगदान दिले. इंग्लंडकडून सलामीला फलंदाजीला आलेल्या जॉनी बेअरस्टोने 33 धावांची खेळी केली, तर डेव्हिड मलानने 14 धावा केल्या.
तसेच हॅरी ब्रुक 25 धावावंर बाद झाला, तर मोईन अलीने 11 धावा केल्या. तसेच लियाम लिव्हिंगस्टोनने 20 धावा केल्या, तर सॅम करन 14 धावांवर बाद झाा. तसेच ख्रिस वोक्सने 11 धावा केल्या. याबरोबर आदिल राशिद 15 धावांवर आणि मार्क वूड 13 धावांवर नाबाद राहिला. त्यामुळे इंग्लंडने 50 षटकात 9 बाद 282 धावा केल्या.
न्यूझीलंडकडून मॅट हेन्रीने सर्वाधिक 3 विकेट्स घेतल्या. तसेच मिचेल सँटेनर आणि ग्लेन फिलिप्स यांनी प्रत्येकी 2 विकेट्स घेतल्या. तसेच रचिन रविंद्र आणि ट्रेंट बोल्ट यांनी 1 विकेट घेतली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.