World Cup 2023: एकदिवसीय विश्वचषक 2023 चा 35 वा सामना न्यूझीलंड आणि पाकिस्तान यांच्यात बंगळुरुमध्ये खेळला गेला. पाकिस्तानचा कर्णधार बाबर आझमने या सामन्यात शानदार फलंदाजी करत एक विशेष कामगिरी केली आहे.
विश्वचषकाच्या इतिहासात ग्रीन टीमसाठी सर्वाधिक 50 प्लस इनिंग खेळणारा तो दुसरा फलंदाज ठरला आहे. या लिस्टमध्ये पाकिस्तानचे माजी दिग्गज फलंदाज जावेद मियांदाद यांचे नाव पहिल्या क्रमांकावर येते.
मियांदाद यांनी विश्वचषकात आपल्या संघासाठी नऊ वेळा 50 प्लस इनिंग खेळल्या आहेत. त्यांच्यानंतर बाबर आझम आता दुसऱ्या क्रमांकावर आला आहे. मिसबाह उल हकचे नाव तिसऱ्या क्रमांकावर आहे. त्याने सात वेळा 50 प्लस इनिंग खेळल्या आहेत.
दरम्यान, या खेळाडूंनंतर माजी क्रिकेटपटू आमेर सोहेल आणि सईद अन्वर चौथ्या स्थानावर आहेत. या दोन्ही फलंदाजांनी अनुक्रमे सहा वेळा ही खास कामगिरी केली आहे.
9 - जावेद मियांदाद
8 - बाबर आझम (Babar Azam)
7- मिसबाह उल हक
6- आमेर सोहेल
6- सईद अन्वर
दुसरीकडे, न्यूझीलंडविरुद्ध (New Zealand) कर्णधार बाबर आझमने शानदार फलंदाजी केली. आपल्या संघासाठी तिसऱ्या क्रमांकावर फलंदाजी करताना, बाबरने 104.76 च्या स्ट्राइक रेटने 63 चेंडूत 6 चौकार आणि 2 षटकारांसह नाबाद 66 धावांची खेळी केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.