केपे मतदारसंघात मेगा फुटबॉल महोत्सवाची घोषणा!

केपे मतदार संघात लवकरच फुटबॉल (Football) अकादमीची स्थापना केली जाईल. तेथे सर्व प्रकारच्या साधन सुविधा उपलब्ध केल्या जातील. या अकादमीतर्फे केपे मतदार संघातील युवा फुटबॉलपटूंना आपले तंत्र अधिक विकसीत करण्याची संधी प्राप्त होईल असे केपे येथील समाज सेवक एल्टन डिकॉस्ता यांनी सांगितले. केपे मतदारसंघ मेगा फुटबॉल महोत्सवाची घोषणा केली आणि फुटबॉल स्पर्धे साठी दोन लाख रुपये बक्षिसाची घोषणा दाखील केली.

फुटबॉल बरोबर इतर खेळांच्या विकासासाठीही प्राधान्य दिले जाईल असे ते म्हणाले. ही स्पर्धा आयोजित करण्यामागे कुठलेही राजकारण (politics) नाही. राजकारण व खेळ हे दोन वेगळे विषय आहेत. केवळ केपे मतदारसंघातील युवा फुटबॉलपटूंचा दर्जा सुधारण्याच्या हेतुनेच ही स्पर्धा आयोजित केल्याचे ते म्हणाले.

फुटबॉल प्रशिक्षक सुकोरिनो वाझ प्रमुख पाहुणे म्हणून उपस्थित होते. त्यांनी सांगितले की गोव्यात फुटबॉलचा दर्जा घसरला आहे. याचे प्रमुख कारण फुटबॉलकडे केवळ आर्थिक दृष्टिकोनातुन पाहिले जाते. फुटबॉलची मुल्ये मैदानावर दिसत नाहीत. वेटरन फुटबॉल (Football) पेक्षा ग्रासरुट स्तरावर फुटबॉलच्या स्पर्धा आयोजित करणे योग्य ठरेल. महिला फुटबॉलचा विकास होणेही तेवढेच महत्वाचे आहे असेही ते म्हणाले.

या प्रसंगी केपे मतदारसंघ (Constituency) मेगा फुटबॉल महोत्सवाच्या आकर्षक चषकांचे व जर्सीचे अनावरण करण्यात आले. ही स्पर्धा 10 ऑक्टोबरपासुन आंतरवाडा, पंचायत व नगरपालिका स्तरावर सुरु झाली असुन त्यातील विजेते संघ 13 व 14 नोव्हेंबर रोजी साखळी सामने खेळणार आहेत. यात खोला, बार्से, बेतुल, फातोर्पा, अवेडे, केपे नगरपालिका, मोरपिर्ला येथील 12 संघांचा समावेश आहे.