High Blood Pressure: दुधी भोपळा अनेक लोकांना खायला आवडत नाही. पण दुधी भोपळा खाणे आरोग्यासाठी फायदेशीर असते. कारण यामध्ये अनेक पोषक घटक असतात. यामुळे अनेक आजार दूर राहतात. तसेच हाय ब्लड प्रेशरच्या रूग्णांनी दुधी भोपळ्याचे सेवन करणे फायदेशीर मानले जाते. तज्ञांच्या मते दुधी भोपळ्याचे सेवन केल्याने हृदयविकार आणि स्टोकसारखे आजार दूर राहतात.
कॉलेस्ट्रॉल नियंणात राहते
दुधी भोपळा फायबरचा उत्तम स्त्रोत मानला जातो. यामुळे कॉलेस्ट्रॉल नियंत्रणात राहते आणि पचन संस्था सुरळित कार्य करते. याचे सेवन केल्याने शरीरामध्ये खराब कोलेस्टॉल जमा होत नाही. तसेच वजन कमी करण्यासाठी मदत करते.
पोटॅशियम भरपूर प्रमाणात
दुधी भोपळ्यामध्ये पोटॅशियमचे मुबलक प्रमाण असते. जे रक्तवाहिन्या उघडण्यास आणि योग्यरित्या कार्य करण्यास मदत करते. तसेच रक्ताचा वेग योग्यरित्या कार्य करण्यास मदत करते. यामुळे हृदयावर कोणताही ताण येत नाही आणि हाय ब्लड प्रेशरच्या समस्या दूर राहतात.
पाण्याचे भरपुर प्रमाण
दुधी भोपळ्यामध्ये मुबलक प्रमाणात पाणी असते. यामुळे नसा निरोगी राहून रक्ताभिसरण सुधारते. हृदयावरचा ताण कमी करण्यासाठी आणि हाय ब्लड प्रेशर नियंत्रणात राहते. जे लोक दुधी भोपळ्याचे नियमितपणे सेवन करतात अशा समस्यांपासून दूर राहतात.
केस गळती कमी
दुधी भोपळा आरोग्यासह केसांसाठीही फायदेशीर ठरतो. दुधी भोपळ्याचा रस काढून त्यात तिळाचे किंवा कोबऱ्याचे तेल मिक्स करावे. झोपतांना या तेलाने मसाज करावी. यामुळे केस मजबुत होतात आणि केसगळतीची समस्या कमी होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.