सकाळी नाश्त्याला बनवा प्रोटिनयुक्त सोयाबीन उपमा, जाणून घ्या कृती

तुमच्या दिवसाची सुरुवात सकस आहाराने व्हायला हवी, म्हणूनच तुमचा नाश्ता नेहमीच पोषक असायला हवा. आज आम्ही तुम्हाला सोयाबीन उपमा बनवण्याची हेल्दी रेसिपी सांगणार आहोत. सोयाबीनचे सेवन केल्याने शरीराला भरपूर प्रथिने मिळतात. सकाळी सकाळी पोषक आहार घेणाऱ्या लोकांसाठी सोयाबीन उपमा फायदेशीर आहे. याशिवाय सोयाबीनचे सेवन केल्याने व्यक्ती हृदयविकारापासून दूर राहते. (Soybean Upma Recipe)

साहित्य

• 1 वाटी सोयाबीनचा किस

• 1 टेस्पून भाजलेले शेंगदाणे

• 1/2 टीस्पून मोहरी

• 1 टीस्पून कढीपत्ता

• 1 अख्खी लाल मिरची

• चवीनुसार मीठ

• आवश्यकतेनुसार तेल

सोयाबीन उपमा बनवायची कृती(Soybean Upma Recipe)

प्रथम एका पॅनमध्ये मध्यम आचेवर तेल गरम करा. तेल गरम झाले की त्यात मोहरी, कढीपत्ता आणि लाल मिरच्या घाला. या सर्व गोष्टींना तडका बसू द्या. मोहरी तडतडल्यावर त्याच मीठ घाला. सोयाबीनचा किस आणि भाजलेले शेंगदाणे घालून थोडं मंद आचेवर भाजून घ्या. त्यानंतर वरून आवश्यकतेनुसार कोमट पाणी घालून झाकण ठेवून 4-5 मिनिटे शिजवा.त्यानंतर गॅस बंद करा.सोयाबीन उपमा तयार आहे. हिरव्या कोथिंबिरीने सजवा आणि आपल्या घरातील सदस्यांना सर्व्ह करा.