Health Care Tips: दूधासोबत 'या' 7 पदार्थांचे कॉम्बिनेशन ठरू शकतं हानिकारक

Health Care Tips: शरीर निरोगी ठेवण्यासाठी पोषक तत्वांची मुबलक प्रमाणात आवश्यकता असते. रोज एक ग्लास दूध प्यायल्यास अनेक फायदे होतात. दूधात कॅल्शियम, प्रथिने, व्हिटॅमिन ए, बी6, डी, मॅग्नेशियम, फॉस्फरस आणि आयोडीन यांसारखे पोषक घटक असतात. दूध हे पौष्टिकतेचे उत्तम स्रोत मानले जाते. पण काही पदार्थांसोबत त्याचे सेवन करणे घातक ठरू शकते. हे पदार्थ कोणते आहेत जाणून घेऊया.

• मासे 

मासे खाणे आरोग्यासाठी खूप फायदेशीर असते. मासे कधीच दुधासह खाऊ नये. यामुळे, तुम्हाला पचनाशी संबंधित समस्या जसे की पोटदुखी आणि अन्न विषबाधा यासारख्या समस्यांना सामोरे जावे लागू शकते.

• मसालेदार पदार्थ

जर तुम्ही अनेकदा दुधासोबत मसालेदार पदार्थ खात असाल तर आतापासून असे करू नका. कारण यामुळे अ‍ॅसिड रिफ्लक्सचा धोका तसेच अपचनाचा त्रास होऊ शकतो.

• नमकिन स्नॅक्स

चिप्स,चिवडा,चखली सारख्या नमकीन स्नॅक्ससोबत दूध पिण्याची चूक करू नका. कारण त्यात भरपूर मीठ मिसळले जाते, ज्यामुळे शरीरातील इलेक्ट्रोलाइट संतुलन बिघडू शकते. 

• प्रथिने समृद्ध पदार्थ

दुधात प्रथिने आधीच मुबलक प्रमाणात असते. जर तुम्ही प्रथिनेयुक्त पदार्थ खाण्यास सुरुवात केली तर अचानक तुमच्या पचनसंस्थेवरचा भार वाढू शकतो. पचनाशी संबंधित समस्या वाढू शकतात.

• दही

आयुर्वेदानुसार दुधासोबत दही कधीही खाउ नये. तसेच दूध प्यायल्यानंतर दहीही खाऊ नये. कारण ते आरोग्यासाठी हानिकारक ठरू शकतं. यामुळे तुम्हाला पोटाची समस्या आणि पोट खराब होऊ शकते.

• आंबट फळे

दुधासोबत आंबट फळे खाणे टाळावे. दूध आणि आंबट फळं फळे एकत्र सेवन केल्यास पोटदुखी आणि उलट्या होऊ शकतात. आंबट फळं खाल्ल्यानंतर दोन तासांनीच दूध प्यावे.

• गूळ 

अनेक लोक गोडपणासाठी दुधात गूळ मिक्स करून घेतात. गूळ आरोग्यासाठी अनेक प्रकारे फायदेशीर आहे. पण आयुर्वेदात दूध आणि गुळाचे एकत्र सेवन करणे हानिकारक मानले गेले आहे. यामुळे तुमचे पोट खराब होऊ शकते.