काय आहे Dash Diet? उच्च रक्तदाब नियंत्रणात ठेवण्यासाठी ठरतो मदतशीर; जाणून घ्या

DASH Diet For High Blood Pressure: आजकाल उच्च रक्तदाबाची समस्या सामान्य होत चालली आहे. हा आजार तरुणांमध्येही वेगाने पसरत आहे.
काय आहे Dash Diet? उच्च रक्तदाब नियंत्रणात ठेवण्यासाठी करतो मदत; जाणून घ्या तज्ञांचा सल्ला
High Blood Pressure | Health TipDainik Gomantak
Published on
Updated on

DASH Diet For High Blood Pressure: आजकाल उच्च रक्तदाब (Blood Pressure) ची समस्या सामान्य होत चालली आहे. हा आजार तरुणांमध्येही वेगाने पसरत आहे. खराब जीवनशैली, ताणतणाव आणि अनियमित दिनचर्येमुळे हा आजार झपाट्याने वाढत आहे. जर यावर वेळीच नियंत्रण ठेवले नाही तर हृदयरोग, स्ट्रोक आणि किडनीशी संबंधित समस्यांचा धोका वाढू शकतो. अशा परिस्थितीत, डॉक्टर अनेकदा उच्च रक्तदाब नियंत्रित करण्यासाठी DASH डायटचा अवलंब करण्याचा सल्ला देतात. ही अशी आहाराची पद्धत आहे, ज्यामुळे रक्तदाब नियंत्रणात राहतो आणि एकूणच आरोग्य निरोगी राहते. चला तर मग हा DASH डायट काय आहे ते जाणून घेऊया...

काय आहे डॅश डायट?

डॉक्टर (Doctor) अनेकदा आहारात DASH डायटचा समावेश करण्याचा सल्ला देतात. या पद्धतीचा अवलंब केल्याने हृदयाशी संबंधित समस्यांचा धोका कमी होतो. पण प्रथम आपल्याला हे समजून घ्यावे लागेल की, हा DASH डायट काय आहे. DASH म्हणजे Dietary Approaches to Stop Hypertension होय. या आहारात, हळूहळू मीठ (सोडियम) कमी करण्याचा आणि हृदयासाठी चांगल्या गोष्टी खाण्याचा सल्ला दिला जातो. विशेषतः हिरव्या भाज्या, फळे, संपूर्ण धान्य, डाळी आणि कमी चरबीयुक्त दुग्धजन्य पदार्थांचा समावेश या आहारात होतो. हा आहार केवळ रक्तदाब नियंत्रित करण्यासाठीच नाही तर शरीर निरोगी ठेवण्यासाठी देखील चांगला मानला जातो.

काय आहे Dash Diet? उच्च रक्तदाब नियंत्रणात ठेवण्यासाठी करतो मदत; जाणून घ्या तज्ञांचा सल्ला
High Blood Pressure : उच्च रक्तदाब नियंत्रित ठेवण्यासाठी आहारात 'या' भाज्यांचा करा समावेश

डॅश डाएटमध्ये काय खावे?

आहार तज्ञ सांगतात की, डॅश डायट प्लॅन रुग्णांमध्ये उच्च रक्तदाब नियंत्रित करण्यास मदत करतो. या डायट प्लॅनमध्ये सोडियम म्हणजेच मीठाचे प्रमाण खूप कमी प्रमाणात घेतले जाते. याशिवाय, चरबीयुक्त पदार्थांचे सेवन टाळले जाते. मीठ आणि चरबी वाढवणाऱ्या गोष्टींव्यतिरिक्त, इतर सर्व वनस्पती-आधारित आणि अॅनिमल फूड्सचे सेवन केले जाते.

काय आहे Dash Diet? उच्च रक्तदाब नियंत्रणात ठेवण्यासाठी करतो मदत; जाणून घ्या तज्ञांचा सल्ला
Home Remedy For High Blood Pressure: 'या' 5 नैसर्गिक गोष्टी हाय ब्लड प्रेशरवर आहेत रामबाण उपाय

जर तुम्हाला DASH डायटचे पालन करायचे असेल तर तुमच्या आहारात हे पदार्थ समाविष्ट करा:

हिरव्या भाज्या आणि फळे- दिवसातून 4-5 वेळा वेगवेगळ्या प्रकारच्या भाज्या आणि फळे खा.

संपूर्ण धान्य - तपकिरी तांदूळ, ओट्स, दलिया, मल्टीग्रेन रोटी यासारख्या गोष्टी खा.

डाळी आणि बीन्स- राजमा, चणे, मूग, मसूर यासारख्या डाळी फायदेशीर आहेत.

कमी चरबीयुक्त दुग्धजन्य पदार्थ- टोन्ड दूध, दही आणि चीज खा, परंतु स्किम्ड दूध आणि जास्त लोणी आणि तूप टाळा.

काजू आणि बिया- बदाम, अक्रोड, चिया बिया खा.

मांसाहार- तुम्ही मासे आणि चिकन खाऊ शकता, पण तळलेल्या खाद्यपदार्थांचे सेवन करु नका.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com