Horoscope: नशिबाचे दार उघडणार! गुरुवारी जुळून आला शुभ 'प्रीती योग', 'या' राशींवर होणार धनाचा वर्षाव

26 February 2026 Horoscope: आज फाल्गुन शुक्ल पक्षातील दशमी तिथी असून गुरुवारचा शुभ संयोग जुळून आला आहे.
26 February 2026 Horoscope
26 February 2026 HoroscopeDainik Gomantak
Published on
Updated on

आज फाल्गुन शुक्ल पक्षातील दशमी तिथी असून गुरुवारचा शुभ संयोग जुळून आला आहे. आज रात्री उशिरापर्यंत 'प्रीती योग' आणि दुपारपर्यंत 'मृगशिरा नक्षत्र' असल्याने ग्रहमान अनेक राशींसाठी परिवर्तनाचे संकेत देत आहे. विशेषतः कर्क, वृश्चिक आणि कुंभ राशीच्या व्यक्तींसाठी आजचा दिवस भाग्याचा ठरणार असून त्यांच्या मेहनतीला योग्य फळ मिळण्याचे योग आहेत.

बदली आणि पदोन्नतीचे संकेत

मेष राशीच्या लोकांसाठी आजचा दिवस आनंदाची बातमी घेऊन येईल. बऱ्याच दिवसांपासून प्रतीक्षेत असलेली मनपसंद ठिकाणी बदली होण्याची शक्यता आहे. तर मिथुन राशीच्या व्यक्तींना त्यांच्या सकारात्मक दृष्टिकोनामुळे कार्यालयात वरिष्ठांकडून कौतुकाची थाप मिळेल. नोकरीत प्रगतीचे नवे मार्ग मोकळे होतील आणि आर्थिक स्थिती अधिक भक्कम होईल.

26 February 2026 Horoscope
Goa Budget 2026: गोव्याचा 'बजेट डे' ठरला! 6 मार्चला मुख्यमंत्री सावंत मांडणार अर्थसंकल्प; सभापती गावकरांनी दिली महत्त्वाची अपडेट

व्यापार आणि उद्योगात भरभराट

कर्क राशीच्या व्यक्ती जर रिअल इस्टेट किंवा कन्स्ट्रक्शन व्यवसायाशी निगडित असतील, तर त्यांना आज मोठा आर्थिक लाभ होऊ शकतो. नवीन व्यवसायिक करार करण्यासाठी परगावी जाण्याचे योग असून ही सहल फायदेशीर ठरेल. वृश्चिक राशीच्या लोकांसाठीही आजचा दिवस धनलाभाचा आहे. मास कम्युनिकेशन क्षेत्रातील विद्यार्थ्यांना आज करिअरच्या सुवर्णसंधी प्राप्त होऊ शकतात.

कौटुंबिक सुख आणि आध्यात्मिक ओढ

वृषभ आणि कन्या राशीच्या व्यक्तींचा कल आज अध्यात्माकडे राहील. रखडलेले धन परत मिळाल्याने कन्या राशीच्या लोकांचा मानसिक ताण कमी होईल. सिंह राशीच्या व्यक्तींना जुन्या गोष्टींमुळे थोडी अस्वस्थता जाणवू शकते, मात्र जोडीदारासोबत घालवलेला वेळ नात्यात गोडवा निर्माण करेल. मकर राशीच्या लोकांसाठी आजचा दिवस कुटुंबात नवीन आनंद घेऊन येईल, ज्यामुळे घरातील वातावरण उत्साही राहील.

26 February 2026 Horoscope
Goa Happiness Index: 'गोव्यातील लोक आनंदी जीवन जगत आहेत'! 'हॅपिनेस इंडेक्स' वाढल्याचा मुख्यमंत्र्यांचा दावा

विद्यार्थी आणि आरोग्यासाठी सल्ला

तुला राशीच्या विद्यार्थ्यांनी आज आपल्या वाणीवर ताबा ठेवणे गरजेचे आहे, अन्यथा वादाचे प्रसंग उद्भवू शकतात. कुंभ राशीच्या लोकांसाठी आजचा दिवस नियोजित कामे पूर्ण करण्याचा आहे. आरोग्याच्या दृष्टीने ऋतूमानानुसार फळांचे सेवन करणे हिताचे ठरेल. मीन राशीच्या व्यक्तींना मालमत्तेच्या व्यवहारात यश मिळण्याची शक्यता असून उत्पन्नाचे स्रोत वाढतील.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News in Marathi - Dainik Gomantak
dainikgomantak.esakal.com