पणजी: सामाजिक कार्यकर्ते रामा काणकोणकर मारहाण प्रकरणात अटकेत असणारा गुंड जेनिटो कार्दोज याच्या अडचणी वाढल्या आहेत. २००९ सालच्या शिरदोण येथील सदोष मनुष्यवधाच्या प्रकरणात त्याला झालेली तीन वर्षे सक्तमजुरीची शिक्षा उच्च न्यायालयाने कायम ठेवली आहे. तसेच, १० नोव्हेंबरपर्यंत त्याला कोर्टाला शरण येण्याचे आदेश दिले आहेत.
शिरदोण येथे संतोष कालेल आणि फ्रान्सिस मॅन्युएल डिसोझा उर्फ मिरांड याच्या सदोष मनुष्यवध प्रकरणात जेनिटोला दोषी ठरविण्यात आले होते. २००९ साली ही घटना घडली होती. याप्रकरणात गुंड जेनिटोला तीन वर्षे सक्त मजुरीची शिक्षा सुनावण्यात आली होती. ही शिक्षा उच्च न्यायालयाने कायम ठेवली असून, जेनिटोला १० नोव्हेंबरपर्यंत कोर्टाला शरण येण्याचे आदेश देण्यात आलेत.
दुसरीकडे रामा काणकोण प्रकरणात देखील जेनिटोला दिलासा मिळालेला नसून, त्याचा कोठडीतील मुक्काम वाढला आहे. जेनिटोसह न्यायालयीन कोठडीत असलेल्या संशयितांची १४ दिवसांची न्यायालयीन कोठडी शुक्रवारी समाप्त झाली. त्यानंतर त्यांना न्यायालयासमोर हजर केले असता त्यांची कोठडी १८ ऑक्टोबरपर्यंत वाढविण्यात आली आहे. पणजी सत्र न्यायालयाने याबाबत निर्णय दिला आहे.
दरम्यान, २००९ साली शिरदोण बीचवर झालेल्या गँगवॉरमध्ये दोघांचा मृत्यू झाला होता. यात जेनिटोचा ग्रुप आमि मिरांड गँग यांच्या वाद झाला होता. बीचवर एकमेकांवर काचेच्या बाटल्या, चाकू भिरकावल्याने यात दोघांचा मृत्यू झाला होता. यात जखमी झालेल्या संतोष कालेल याचा जागीच मृत्यू झाला होता तर फ्रान्सिस मॅन्युएल डिसोझा उर्फ मिरांड याचा गोमेकॉत उपचारादरम्यान मृत्यू झाला होता.
याप्रकरणी जेनिटो याच्यासह इतर दोघांविरोधात खुनाचा गुन्हा नोंद करण्यात आला होता. म्हापसा न्यायालयाने जेनिटोला सदोष मनुष्यवधाच्या गुन्ह्यात दोषी ठरवून तीन वर्षे सक्त मजुरीची शिक्षा सुनावली होती.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.