मडगाव : हाेमिओपॅथी ही एक विश्वसनीय अशी उपचार पद्धती असून अनेक रोगांवर या उपचार पद्धतीतून नियंत्रण आणता येते, असा दावा डॉ. मर्लिन तेलीस यांनी केला. दक्षिण गाेवा जिल्‍हा इस्‍पितळात सोमवार, १० रोजी जागतिक होमिओपॅथी दिन साजरा करण्‍यात आला. त्‍यावेळी त्या बोलत होत्या.
या जागतिक होमिओपॅथी दिनाच्‍या निमित्ताने पोस्‍टर्स स्‍पर्धा आयोजित करण्‍यात आली होती. होमिओपॅथी एकात्‍मिक औषधासाठी रोड मॅप असा विषय होता. या पोस्‍टर्सद्वारे होमिओपॅथी औषधांच्‍या इतर प्रणालींना पूरक ठरू शकते. परिणामी रुग्‍णांची चांगली पुनर्प्राप्‍ती होऊ शकते, असा संदेश देण्‍यात आला. या कार्यक्रमानंतर मोफत होमिओपॅथी वैद्यकीय शिबिर घेण्‍यात आले. त्‍याचा १३० रुग्‍णांनी लाभ घेतला.
जगातील दुसरी लोकप्रिय प्रणाली
तेलीस म्‍हणाल्या की, होमिओपॅथी ही जगातील दुसरी सर्वांत लोकप्रिय प्रणाली आहे. अलीकडच्‍या काळात जगभरात मधुमेह, उच्‍च रक्‍तदाब, हृदय व रक्‍तवाहिन्‍यांसंबंधी रोग तसेच क्रॉनिक रेनल फेल्‍युअर इत्‍यादींसारख्‍या दुर्धर आजारांनी ग्रस्‍त लोकांची संख्या वाढली आहे. या आजारांचे स्वरूपही बदलले आहे.
औषधांचे प्रतिकूल परिणाम आणि औषधांचा प्रतिकार यासारख्‍या इतर समस्‍या आहेत. यातील बहुतांश रोग बहुगुणात्‍मक आहेत. कोणीही यात सहजपणे हस्‍तक्षेप करू शकत नाही. त्‍यामुळे त्‍याला बहुघटक दृष्‍टिकोन किंवा एकात्‍मिक दृष्‍टिकोन आवश्‍‍यक आहे. होमिओपॅथी हे त्‍याच्‍या सर्वांगीण उपचारांमुळे एक विश्वसनीय औषध बनले आहे. - डॉ. मर्लिन तेलीस
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.