Bina Naik : महिलांवरील 'लैंगिक छळ' रोखण्यासाठी प्रतिबंधक समितीची स्थापना करा ; बिना नाईक

महिला काँग्रेस : सर्व सरकारी आस्थापनांसह नगरपालिका कार्यालयांना आवाहन
Womens Congress President Bina Naik
Womens Congress President Bina Naik Dainik Gomantak

Mapusa : महिलांवरील वाढते लैंगिक अत्याचाराची दखल घेत गोवा काँग्रेस महिला समितीच्या अध्यक्षा बिना नाईक यांनी सर्व सरकारी आस्थापने तथा पालिका कार्यालयस्थळी लैंगिक छळ प्रतिबंधक समितीची सक्रियपणे स्थापना करावी, अशी मागणी केली. गुरुवारी सायंकाळी म्हापशात आयोजित पत्रकार परिषदेत त्या बोलत होत्या.

बिना नाईक म्हणाल्या की, उत्तर गोव्यातील एका पालिकेत महिला कर्मचाऱ्यावर लैंगिक अत्याचार झाल्याची कथित बातमी व्हायरल झाली आहे. या बातमीत तथ्य आहे की नाही, हे माहिती नाही. अशावेळी सरकारने याप्रकरणाची सखोल चौकशी करुन पोलिस तपास करावा, अशी मागणी त्यांनी केली.

Womens Congress President Bina Naik
Mapusa Elephant Garden: बच्चेकंपनीमुळे परिसर गजबजला ; रात्री 8 वाजेपर्यंत गर्दी

मुळात पालिका कार्यालयात अशाप्रकारे जर महिलांवर कथित लैंगिक अत्याचार होत असल्यास ही चिंतेची व गंभीर बाब आहे. यात सत्यता असल्यास संबंधित दोषींवर कायदेशीर कारवाई होण्याची गरज असल्याचे बिना नाईक म्हणाल्या. हल्लीच, काँग्रेस कार्यकर्त्यांनी केंद्रीय गृहमंत्री अमित शहा यांना भेटण्याचा प्रयत्न केला असता पोलिस बळाचा वापर करुन काँग्रेस नेत्यांना ताब्यात घेतले.

Womens Congress President Bina Naik
Mapusa Municipal Council: म्हापसा पालिकेचा 50 लाखांचा कर थकीत

अशावेळी पोलिस बळाचा सरकारकडून गैरवापर होतो. परंतु, महिलांवर होणारे कथित लैंगिक अत्याचार या भाजपा सरकार दृष्टीस पडत नाहीत का0 असा सवाल त्यांनी उपस्थित केला. यावेळी प्रतीक्षा खलप, सई वळवईकर, पेलाजिया रापोझ, लविना डेकोस्टा, पार्वती नागवेकर या उपस्थित होत्या.

आम्ही ‘त्या’ महिलेच्या पाठीशी

उत्तरेतील एका पालिका कार्यालयातील महिलेवर कथित लैंगिक अत्याचार झाला असल्यास दोषींवर सक्त कारवाई होणे गरजेचे आहे. आणि याप्रकरणी पोलिस तक्रार झाल्यास काँग्रेस महिला वर्ग या पीडितेच्या पाठिशी खंबीरपणे उभी राहणार व तिला न्याय मिळवून देऊ, असे बिना नाईक व प्रतीक्षा खलप यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com