समुद्र किनाऱ्यावर चालणाऱ्या जलक्रीडा प्रकारात जेल या यंत्रणेच्या हस्तक्षेपाला विरोध करणाऱ्या स्थानिक ऑपरेटर्सना मुख्यमंत्री प्रमोद सावंत यांनी तात्पुरता दिलासा देताना हा मोसम संपेपर्यंत आहे त्या स्थितीतच हा व्यवसाय चालू ठेवण्याची मुभा दिली.
यंदाचा पर्यटन मोसम संपण्यास फक्त दोन महिने बाकी आहेत. तोपर्यंत स्थानिक ऑपरेटर्स सध्या चालू आहे त्याच पद्धतीने हा व्यवसाय चालू ठेवणार असून या दोन महिन्यांत त्यांनी ‘क्यू सिस्टम’ पद्धतशीरपणे पाळावी असे त्यांना सांगण्यात आले.
या दोन महिन्यांत हा व्यवसाय कसा चालतो हे पाहून पुढच्या मोसमात हा व्यवसाय नियंत्रित करण्यासाठीं वेगळी यंत्रणा राबवावी की स्थानिक ऑपरेटर्सकडूनच तो चालवावा याचा निर्णय पर्यटन खाते घेणार आहे.
मुख्यमंत्री प्रमोद सावंत यांच्या अध्यक्षतेखाली पणजी येथे झालेल्या या बैठकीला पर्यटनमंत्री रोहन खवंटे, आमदार मायकल लोबो, व्हेंझी व्हिएगस, केदार नाईक आणि जलक्रीडा ऑपरेटर्स उपस्थित होते.
‘मुख्यमंत्र्यांचे आभार’
आम्ही ही क्यू पद्धती चांगल्या प्रकारे राबवू शकतो हे येत्या दोन महिन्यांत सरकारला दाखवून देऊ. सरकारने आमच्यावर विश्वास दाखविल्याबद्दल आम्ही मुख्यमंत्री सावंत, पर्यटनमंत्री खवंटे आणि आम्हाला पाठिंबा देणाऱ्या सर्व आमदारांचे आभारी आहोत, अशी प्रतिक्रिया जलक्रीडा चालकांचे प्रतिनिधी पेले फर्नांडिस यांनी व्यक्त केली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
