visual literature : मडगाव येथील ‘पार्वतीबाई चौगुले कॉलेज ऑफ आर्टस ॲण्ड सायन्स’चा इंग्रजी विभाग,शैक्षणिक घडामोडीबरोबरच वेगवेगळ्या सांस्कृतिक आणि कलाविषयक उपक्रमात सातत्याने व्यस्त असतो. या विभागाने त्यांच्या साहित्य अभ्यासक्रमात अलीकडेच काही नव्या कोर्सचा समावेश केला आहे.
‘दृश्‍यात्मक साहित्य’ हा त्यापैकीच एक कोर्स आहे. कॉमिक्स, ग्राफिक कथा-कादंबऱ्या इत्यादी साहित्यप्रकारांचा अभ्यास विद्यार्थ्यांना या कोर्समार्फत होतो.
गोव्यामधले एकमेव स्वायत्त असलेले हे महाविद्यालय आपल्यापरीने, शैक्षणिक उपक्रमात विविध प्रकारे प्रगतीशील पावले टाकण्याच्या प्रयत्नात असते.
या स्पर्धेत ॲनिमे,मांगा कॉमिक (जपानी),साहित्य,पॉप कल्चर यामधली कुठलीही पात्रे रंगवण्याची मुभा होती ही स्पर्धा ६ ते ६० वयोमर्यादेत बसणाऱ्या व्यक्तींसाठी खुली होती.
वेगवेगळ्या ॲनिमे आणि कॉमिक्स बुक यामधली विविध पात्रे मंचावर येताना उपस्थित दर्शक,ज्यात बहुतांश कॉलेज युवक-युवतीचा भरणा होता,त्यांना जल्लोषाने प्रतिसाद देत होते.
पुस्तके आणि टीव्हीवरील पात्रांच्या या मेळाव्याने महाविद्यालयाचा परिसर जणू वेगळ्या विश्‍वाचा भाग बनला होता.
१६ मार्च रोजी पार पडलेल्या या स्पर्धेत ५० स्पर्धक सहभागी झाले होते.
‘दृश्‍यात्मक साहित्य’ या विषयाचा भाग म्हणून या कॉलेजच्या इंग्लिश विभागाने ‘कॉसप्ले’ (कॉस्च्युम आणि प्ले या दोन शब्दांचा मिलाफ) स्पर्धेचे आयोजन केले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.