Goa Art: '...म्हणून नव्या नाटकांची निर्मिती होणे आवश्‍यक'- CM प्रमोद सावंत

Goa Art: नवीन नाटकांची निर्मिती होणे ही काळाची गरज असून त्यासाठी गोमंतकीय लेखकांनी पुढे यावे, असे आवाहन करताना नाट्यलेखक महादेव अप्पा गावस यांच्या ‘स्वराज्याचा शिलेदार'' या नवीन नाटकाचे मुख्यमंत्री डॉ. प्रमोद सावंत यांनी कौतुक केले. देऊळवाडा-पाळी येथे महादेव गावस यांच्या नाटकाच्या हस्तलिखिताचे प्रकाशन केल्यानंतर मुख्यमंत्री सावंत बोलत होते.

या नाटकाचा प्रथम प्रयोग पाळीतील नवदुर्गा सोशल ॲण्ड कल्चरल असोसिएशनतर्फे कालोत्सवात करण्यात आला. व्यासपीठावर नाट्यलेखक महादेव गावस, पाळीचे सरपंच शिवा मुळगावकर, नवदुर्गा देवस्थानचे अध्यक्ष अजीत गावस, नाटकाचे दिग्दर्शक नरेंद्र तारी, संगीत दिग्दर्शक पं. कमलाकांत गावस आदी उपस्थित होते.

महादेव गावस, नरेंद्र तारी यांनीही मनोगत व्यक्त केले. सूत्रसंचालन व आभार प्रदर्शन ॲड. रघुवीर वर्दे यांनी केले. या नाटकात वेदांत गावस, प्रथमेश गावस, गंधार गावस, महादेव गावस, शिवानंद गावस, गुंजाईश गावस, भास्कर गावस, जयदेव गावस, भिंगो गावस, शारदा शेटकर यांनी उत्कृष्ट भूमिका साकारल्या. संगीत कमलाकांत गावस यांचे तर तबलासाथ जानू शिरवळकर यांनी केली.