Goa Politics: 'फलक फाडाल तर याद राखा'! विजय सरदेसाईंनी दिला सज्जड इशारा, Watch Video

Vijai Sardesai: गोवा फॉरवर्ड पक्षाचे उमेदवार प्रचारार्थ रात्री दिवाड येथे उमेदवार विक्रम परब यांच्या समर्थनार्थ जाहीर सभा झाली. यावेळी त्यांनी भाजप सरकारवर जोरदार टीका केली.
Vijai Sardesai
Vijai SardesaiDainik Gomantak
Published on
Updated on

पणजी: खोर्ली मतदारसंघात गोवा फॉरवर्ड पक्षाच्या उमेदवाराच्या प्रचाराचे फलक फाडले गेल्याची दखल पक्षप्रमुखांनी घेतली. आमदार विजय सरदेसाई यांनी शुक्रवारी दिवाडी येथील प्रचारसभेत फलक फाडले जात असतील तर खपवून घेणार नाही, आम्हीही जशास तसे उत्तर देऊ, असा इशारा त्यांनी विरोधकांना दिला.

जिल्हा पंचायत निवडणुकीची आचारसंहिता शनिवारी जारी झाली तरी काही पक्षांच्या उमेदवारांनी यापूर्वीच प्रचार सुरू केला आहे. गोवा फॉरवर्ड पक्षाचे उमेदवार प्रचारार्थ रात्री दिवाड येथे उमेदवार विक्रम परब यांच्या समर्थनार्थ जाहीर सभा झाली. यावेळी त्यांनी भाजप सरकारवर जोरदार टीका केली.

जिल्हा पंचायतीत भाजप सरकारला धडा शिकवण्याची वेळ आल्याचे त्यांनी सांगितले. सरदेसाई यांनी स्थानिक आमदारांचे कार्यकर्ते आमच्या उमेदवारांचे प्रचाराचे फलक फाडतात, त्यामुळे आम्हीही गप्प बसणार नाही. तर आम्हीसुद्धा तुमचे फलक फाडू, त्यामुळे आमच्या बॅनरला हात लावण्यापूर्वी दहावेळा विचार करावा, असा इशाराही त्यांनी दिला.

Vijai Sardesai
Goa Politics: आरजी-काँग्रेसचे विचार वेगळे! आमदार व्हेन्झींची युतीवर टीका; म्हणाले, "भाजपला हरवण्यासाठी 'स्वच्छ' नेतृत्वाची गरज"

विधानसभेतही काँग्रेसबरोबर!

आपण २०२७ च्या विधानसभेतही काँग्रेसबरोबर असू. आपण राहुल गांधींना शब्द दिल्यामुळे काँग्रेसशी जोडलेलो आहोत, असे सांगत सरदेसाई यांनी युती कायम राहिल, असे सूतोवाच केले. युतीचा चेंडू काँग्रेसच्या कोर्टात आहे. ते आमच्याशी, आरजीशीही चर्चा करताहेत; निवडणूक जाहीर झालीय. त्यामुळे युतीच्या घोषणेची निकड आहे. उमेदवार निश्चितीची आम्ही वाट पाहू शकत नव्हतो, असेही ते म्हणाले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News in Marathi - Dainik Gomantak
dainikgomantak.esakal.com