वाळपई: सत्तरी ही देवभूमी असून शिवाजी महाराजांची प्रेरणा प्रत्येकानी घेतली पाहिजे असे प्रतिपादन आरोग्यमंत्री विश्वजीत राणे यांनी वाळपई छत्रपती शिवाजी महाराज पालीका उद्यानात शिवजयंती उत्सव समितीतर्फे आयोजीत करण्यात आलेल्या शिवजयंती उत्सवात अध्यक्षस्थानी बोलताना केले.
विश्वजित राणे व आमदार डाॅ. देविया राणे यांच्या हस्ते नविन पंचधातुच्या छत्रपती शिवाजी महाराजांच्या पुतळ्याचे अनावरण करण्यात आले, तसेच करोडो रुपये खर्च करुन सुशोभिकरण करण्यात आलेल्या पालिका उद्यानाचेही थाटात उद्घाटन करण्यात आले. यावेळी मोठ्या संख्येने शिवप्रेमींची उपस्थिती होती.
सत्तरीतील विद्यालयांसाठी आयोजित प्रश्नमंजुषा स्पर्धेतील बक्षिसे ही वितरीत करण्यात आली. यावेळी पुणे येथील पोवाड्याचा सांस्कृतिक कार्यक्रम ही संपन्न झाला आणि मान्यवरांनी छत्रपती शिवाजी महाराजांच्या पुतळ्याची पुजा करुन आदरांजली वाहिली.
वाळपईचे आमदार आणि आरोग्यमंत्री यांनी १९ फेब्रुवारी रोजी झालेल्या शिवजयंतीच्या कार्यक्रमात उपस्थितांना संबोधित करताना छत्रपती शिवजी महाराज हे सर्वांचे आदर्श असल्याचे वक्तव्य केले, आणि ते आदर्श आहेत कारण ते कायम सर्वांना सोबत घेऊन कार्यरत राहिले.
वाळपईत केवळ हे उद्यानच नाही तर आणखीन प्रकल्प देखील उभे राहणार आहेत, वर्ष २०२६ पर्यंत वाळपईचे चित्र बदललेलं असेल. लहानमुलांपासून ते महिलांपर्यंत विकासकाम जाईल असे राणे म्हणालेत . वाळपईमध्ये छत्रपती शिवरायांचा आदर्श घेऊनच एक वॉटरवे तयार केला जाणार आहे आणि लोकांचा विकास हेच ध्येय असल्याचे आमदार राणे यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.