Usgao Leopard Incident: काळ आला होता पण वेळ आली नव्हती! उसगावात धावत्या बाईकसमोर आला बिबट्या; अपघातात सत्तरीचे दोन तरुण जखमी

फोंडा: उसगाव येथील गावकरवाडा परिसरात धावत्या दुचाकीसमोर अचानक बिबट्या आल्याने झालेल्या अपघातात दोन युवक जखमी झाले. रविराज गावकर आणि विघ्नेश गावकर (दोघेही रा. शिरसोडे, सत्तरी) अशी जखमींची नावे आहेत.

तिस्क-उसगाव येथील एका आस्थापनातील ड्युटी संपवून दोघेही दोन दिवसांपूर्वी दुचाकीवरून घरी परतत होते. यावेळी गावकरवाडा-उसगाव येथे अचानक बिबट्या गाडीसमोर आला.

गांजे-उसगाव-नाणूस भागातही दर्शन

गांजे-उसगाव-नाणूस परिसरातही बिबट्याचे दर्शन झाल्याने नागरिकांमध्ये भीतीचे वातावरण निर्माण झाले आहे. वन खात्याने तातडीने उपाययोजना करून बिबट्याचा बंदोबस्त करावा, अशी मागणी स्थानिकांकडून करण्यात येत आहे.