गोव्यात वृक्षतोडीच्या अर्जांचा अधिकारी गंभीरपणे अभ्यास करतील: मुख्य सचिव गोयल

पणजी: सरकारी किंवा कोणत्याही खाजगी एजन्सीद्वारे इमारती, रस्ते, कारखाने आणि इतर प्रकल्पांच्या बांधकामासाठी (Construction) देण्यात आलेल्या वृक्षतोडीच्या अर्जांचा वृक्ष अधिकारी गंभीरपणे अभ्यास करतील, अशी माहिती मुख्य सचिव पुनीत कुमार गोयल यांनी दिली आहे. (Tree cutting in Goa)

22 मार्च 2022 रोजी उच्च न्यायालयाने दिलेल्या निकालानुसार, सरकारी विभाग किंवा खाजगी संस्थांकडून इमारती, रस्ते, कारखाने यांच्या बांधकामासाठी, सिंचनाची कामे, इलेक्ट्रिकल, टेलिफोन आणि इतर ट्रान्समिशन लाईन टाकणे या कामत झाडे तोडणे समाविष्ट असेल तर तो प्रस्ताव आधी वृक्ष प्राधिकरणांसमोर मांडावा लागेल.

धोकादायक अवस्थेत असलेली झाडे म्हापसा (Mapusa) नगरपालिकेसाठी चिंतेचा विषय ठरत आहेत. राज्यात मान्सूनचे आगमन होण्यास काही आठवडे शिल्लक असताना, प्रशासनाने वाहनधारकांना धोका निर्माण करणाऱ्या झाडांची (Trees) छाटणी अजूनही सुरू केलेली नाही.

पूर्वी म्हापसा येथील रहिवाशांना घरांवर झाडे पडणे, विजेच्या तारा तुटणे यामुळे मोठ्या गैरसोयीचा सामना करावा लागला आहे. नागरी सभापती शुभांगी वायगनकर यांनी विविध विभागांचे अधिकारी आणि स्थानिक नगरसेवक यांच्यासमवेत संयुक्त पाहणी करून धोका निर्माण करणाऱ्या झाडांची यादी केली आहे. 32 झाडांची यादी तयार होऊन सात महिन्यांहून अधिक काळ लोटला तरी झाडांवर अद्याप कुऱ्हाड चाललेली नाही.