पणजी : गृह मंत्रालयाने ॲग्मूट केडरमधील आयएएस व आयपीएस अधिकाऱ्यांच्या बदल्यांंचा आदेश जारी केला आहे. त्यामध्ये गोव्यातील पाच आयएएस दिल्लीत तर त्यांच्या जागी चारजण गोव्यात आले आहेत. आयपीएसमध्ये एका पोलिस अधिकाऱ्याची दिल्लीला बदली झाली असून दोघेजण गोव्यात आले आहेत. त्याचबरोबर नगरनियोजन खात्यामधील 11 नगरनियोजक व उप नगरनियोजकांच्या बदल्यांचा आदेश राज्य सरकारने काढला आहे.
एग्मूट आयएएस केडरच्या 1997 बॅचचे व्ही. चंदावेलू, संजीव अहुजा (2008), संदीप जॅकीस (2009), सुभाष चंद्रा (2009) यांची दिल्ली येथून गोव्यात बदली झाली आहे, तर गोव्यातील संजय गिहार (2008), तारीक थॉमस (2011), चोका राम गर्ग (2008), विवेक एच. पी. (2016) व हेमंत कुमार (2013) यांची दिल्ली येथे बदली झाली आहे.
एग्मूट आयपीएस केडरच्या परमादित्य (2005) यांची गोव्यातून दिल्ली येथे तर अरुणाचल प्रदेशमधील आयपीएस बॉस्को जॉर्ज तसेच चंदीगढ येथील ओमवीर सिंग (2004) यांची गोव्यात बदली झाली आहे. विधानसभा निवडणुकीपूर्वी गोव्यातून बदली झालेले पोलिस महानिरीक्षक राजेश कुमार यांना गोवा पोलिस सेवेतून मुक्त करण्यात आले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
