मडगाव : बेळगावहुन चोरी करून गोव्यात आलेल्या तीन चोरट्यांना आज मडगाव रेल्वे पोलिसांनी अटक करून त्यांच्याकडून 1.75 लाखांचा माल जप्त केला. आज सकाळी मडगाव रेल्वे स्थानकावर तिघे संशयास्पद रीतीने वावरत असताना ड्युटीवर असलेल्या रेल्वे पोलिसांनी त्यांना ताब्यात घेऊन त्यांच्या सामानाची झडती घेतली असता त्यांच्या बॅगेत एक लॅपटॉप, दोन टॅबस, चार मोबाईल आणि दोन मनगटी घाड्याळे सापडली.
अधिक चौकशी केली असता ती त्यांनी बेळगावी येथून चोरून आणल्याची माहिती मिळाली. त्यानंतर ही खबर बेळगाव येथील टिळकवाडी पोलिसांना दिल्यावर त्यांनी मडगावात येऊन त्यांना ताब्यात घेतले.
दरम्यान, कुडचडे येथील सार्वजनिक बांधकाम खात्याच्या पाणी विभागाचा टँकरद्वारे पाणीपुरवठा करण्यासाठी खामामळ-कुडचडे येथे फिलिंग पॉईंट उभारण्यात आला आहे. या पॉईंटजवळ संबंधित खात्यातर्फे कोणाचीच नियुक्ती न केल्याने पाण्याची दिवसाढवळ्या चोरी होत असल्याने सरकारला लाखो रुपयांचे नुकसान होत आहे.
या ठिकाणी सार्वजनिक बांधकाम खात्याच्या पाणीपुरवठा विभागाने फिलिंग पॉईंट ओसाड सोडल्याने जो तो येऊन टँकरद्वारे पाणी चोरून नेत असल्याने सरकारी तिजोरीला लाखोंचा फटका बसत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
