सांतिनेज येथील रामकृष्ण धुमे यांच्या घरावर रुमडाच्या झाडाची मोठी शुक्रवारी २७ रोजी रात्री फांदी पडून कपाऊंड व बागेचे नुकसान झाले. बागेतील काही छोटी झाडे खराब झाली.
गेल्यावर्षीसुद्धा या ठिकाणी नीरफणसाचे झाड पाडून मोठे नुकसान झाले होते, अशी माहिती रतन धुमे यांनी दिली. सदर घटना घडल्यानंतर नगरसेविका प्रांजल नाईक यांनी माहिती मिळताच, त्यांनी तत्काळ पाहणी केली.
झाडाची फांदी हटविण्याच्या सूचना केल्या. महापालिकेच्या कर्मचाऱ्यांनी शुक्रवारी ही फांदी हटविली. पण येथील रूमडाचे झाड धोकादायक असून ते हटविणे गरजेचे आहे. यंदाच्या जोरदार पावसात ते झाड पडल्यास मोठे नुकसान होऊ शकते, पालिकेने त्वरित ते झाड हटवावे, अशी मागणी रतन धुमे यांनी केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.