Shrawan Somwar: हरवळे रूद्रेश्वर देवस्थानात आज श्रावणी सोमवार

Shrawan Somwar: गोमंतकीय भंडारी समाजाचे आराद्य दैवत,हरवळे डिचोलीतील श्री रुद्रेश्वर देवस्थानात ११ सप्टेंबर रोजी श्रावण मासानिमित्त शेवटचा सोमवार विविध धार्मिक विधींनी साजरा करण्यात येणार आहे. या सोहळ्यास गोव्यातील मंत्री, आमदारांना खास निमंत्रित केलेले आहे.

दुपारी १.३० वा. मुख्यमंत्री डॉ. प्रमोद सावंत यांच्यासह केंद्रीय राज्यमंत्री श्रीपाद नाईक, कृषिमंत्री रवी नाईक, कला संस्कृती मंत्री गोविंद गावडे, सहकार मंत्री सुभाष शिरोडकर, मंत्री सुभाष फळदेसाई, मंत्री नीलकंठ हळर्णकर, आमदार विजय सरदेसाई, आमदार चंद्रकांत शेटये, आमदार प्रेमेंद्र शेट, आमदार जीत आरोलकर, आमदार प्रवीण आर्लेकर, आमदार वीरेश बोरकर, व डिचोली उपजिल्हाधिकारी रोहन कासकर खास उपस्थित राहून रुद्रेश्वर देवास दुग्धाभिषेक करणार आहेत. यावेळी सर्व निमंत्रित पाहुण्यांना देवस्थानतर्फे श्रीफल, रुद्रेश्वर प्रतिमा देऊन सत्कार करण्यात येणार आहे.

पहिला अभिषेक पहाटे ४.३० वा.देवस्थान अध्यक्ष यशवंत माडकर करणार असून त्यानंतर ५ वाजता मुक्तद्वार महापर्वणीस सुरू होणार आहे. भाविकांना दुपारी १२ वाजेपर्यंत श्री रुद्रेश्वर देवास स्वहस्ते अभिषेक करता येईल. त्यानंतर आरती,तिर्थप्रसाद व महाप्रसाद होईल. व रात्री ८ वा. श्रींच्या पालखीने श्रावणी सोमवारची सांगता होणार आहे ,असे आयोजन समिती अध्यक्ष आश्विनकुमार नाईक यांनी कळवले आहे.