मडगाव: काँग्रेसच्या उमेदवारांशी भाजप नेत्यांशी संपर्क होऊ नये, यासाठी त्यांना मडगावच्या हॉटेलमध्ये हलविण्यात आले आहे. या उमेदवारांवर काँग्रेस आणि गोवा फॉरवर्डच्या कार्यकर्त्यांनी नजर ठेवली आहे.
कुडचडेचे उमेदवार अमित पाटकर यांचा वाढदिवस असून तो साजरा करण्यासाठी आम्ही येथे आलो आहोत, असे काँग्रेसचे काणकोणचे उमेदवार जना भंडारी यांनी पत्रकारांना सांगितले. मंगळवारी या सर्व उमेदवारांना बांबोळी रिसॉर्टमध्ये ठेवले होते.
त्यावेळी त्यांनी आम्ही दिगंबर कामत यांचा वाढदिवस साजरा करण्यासाठी आलो आहोत, असे कारण सांगितले होते. सध्या त्यांना ज्या हॉटेलमध्ये ठेवले आहे, ते हॉटेल केपेचे काँग्रेस उमेदवार एल्टन डिकॉस्ता यांच्या मालकीचे असून उद्या मतमोजणीच्या वेळीही हे उमेदवार येथेच राहण्याची शक्यता व्यक्त केली जात आहे.
यापूर्वी काँग्रेसच्या काही उमेदवारांशी भाजप मंत्र्यांनी संपर्क साधला होता. त्या पार्श्वभूमीवर आता ही खबरदारी घेण्यात आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
