गोवा पर्यटन खात्याने पर्यटनाचा दर्जा उंचावण्यासाठी प्रयत्न सुरु केले आहेत. यामध्ये नोंदणी न करता पर्यटन व्यवसायात प्रवेश केलेल्या व्यावसाईकांना नोंदणी करण्याच्या सुचना केल्या आहेत. तसेच सर्वांसाठी नोंदणी आवश्यक असल्याचे स्पष्ट केले आहे. यासाठी एक नियमावली देखील बनवण्यात आली आहे. या पार्श्वभूमीवर आज विनानोंदणी तीन वेबसाइटना नोटीस बजावण्यात आली आहे.
( The tourism dept issues notices to Make My Trip Lohono com Goanvillasforrent com )
मिळालेल्या माहितीनुसार पर्यटनाचा दर्जा उंचावण्यासाठी पर्यटन खाते अ‍ॅक्शनमोडमध्ये आहे. या पार्श्वभूमीवर पर्यटन खात्याकडे नोंदणी केली नसलेल्या हॉटेल्स व इतर पर्यटन व्यवहारांची ऑनलाईन बुकिंग घेणाऱ्या तीन वेबसाइटना नोटीस बजावली आहे. यामध्ये मेक माय ट्रीप, लोहोनो, गोवा व्हिलाज फॉर रेन्ट यांचा समावेश आहे. त्यामुळे अनेकांचे धाबे दणाणले आहेत.
कारवाई करताना पर्यटन खात्याने म्हटले आहे की, कारवाई केलेल्या तीन वेबसाइट प्रशासनाने परवाना नूतनीकरण केलेले नाही. शिवाय ते ऑनलाइन व्यवहार आणि हॉटेलच्या खोल्यांची विक्री करत असल्याचे आढळून आल्याने पर्यटन व्यापार कायदा नोंदणीच्या तरतुदींनुसार ही कारवाई करण्यात येत आहे.
पर्यटकांसाठी देखील नियमावली
पर्यटनाला चालना देण्यासाठी गोवा सरकारने पर्यटन स्थळांसाठी कठोर नियम आणले आहेत, गोव्यात जाणाऱ्या प्रत्येक व्यक्तीने त्याचे पालन करणे आवश्यक आहे, अन्यथा तुम्हाला मोठा दंड मोजावा लागू शकतो, यामध्ये रु. 50,000. पर्यंत दंड म्हणून भरावे लागू शकतात. गोवा सरकारने सर्व पोलिस ठाण्यांना नवीन नियम लक्षात घेऊन कारवाई करण्याचे आदेश दिले आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
