गोवा राज्यात पहिल्यांदाच खनिज खात्याने पुकारलेल्या चार खनिज ब्लॉकच्या ई-लिलावाची प्रक्रिया बुधवारपासून सुरू झाली आहे. यातील पहिल्या टप्प्यात ब्लॉक क्र. 1 ची ई-लिलाव प्रक्रिया आज ( बुधवारी ) सकाळी पडली. यामध्ये डिचोली खाण पट्टा वेदांता कंपनीला मिळाला असल्याची माहिती मुख्यमंत्र्यांनी दिली. तसेच स्थानिकांच्या नोकऱ्यांबाबत मुख्यमंत्र्यांनी मोठं विधान केले आहे.
(Vedanta is the successful bidder to acquire mining Block 1, Bicholim in the first phase of auctioning)
मिळालेल्या माहितीनुसार आज पहिल्या टप्प्यात ब्लॉक क्र. 1 या डिचोलीतील खाणीची ई-लिलाव प्रक्रिया पार पडली आहे. यात वेदांताला यश मिळाले असल्याची माहिती मुख्यमंत्री प्रमोद सावंत यांनी दिली आहे. याबाबत बोलताना मुख्यमंत्री म्हणाले की, स्थानिकांच्या नोकऱ्यांचा या प्रक्रियेत विचार करण्यात आला असून खाण क्षेत्रात त्यांना नोकऱ्यांसाठी प्राधान्य दिले आहे. तसेच यापुढे ही निर्माण होणाऱ्या नोकऱ्यांसाठी स्थानिकांना प्राधान्य देण्यात येणार असल्याचे मुख्यमंत्री म्हणाले आहेत.
या प्रक्रियेमुळे गोवा राज्यातील प्रदीर्घ काळ प्रलंबित खाणकामाचा प्रश्न व्यावहारिकरित्या संपुष्टात आला आहे. त्यामुळे राज्यात या पुढे रोजगाराच्या नव्या संधी निर्माण होत राहतील आणि खाण क्षेत्र सतत भरभराट आणि समृद्ध होईल असा विश्वास मुख्यमंत्री सावंत यांनी व्यक्त केला आहे.
पहिल्या टप्प्यात चार ब्लॉक्सचा लिलाव
ई-लिलावाच्या पहिल्या टप्प्यात डिचोली, शिरगाव-मये, मोंत द शिरगाव आणि काले या चार ब्लॉक्सच्या ई-लिलावाची प्रक्रिया बुधवारपासून सुरू करण्यात आली आहे.
राज्य सरकारला दुसरी लॉटरी
राज्य सरकारला खनिज निर्यातीच्या बाबतीत गेल्या महिन्याभरात दुसऱ्यांदा लॉटरी लागली आहे, असेच म्हणावे लागेल. केंद्र सरकारने 58 टक्के खालील खनिज निर्यातीवरील निर्यात शुल्क रद्द केल्यानंतर आता सर्वोच्च न्यायालयाने राज्य सरकारला राज्यात पडून असलेले खनिज डंप हलविण्याची परवानगी दिली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
