Madgaon : मडगाव येथे 'आमदार श्री' रॉ पॉवर लिफ्टींग स्पर्धेचे आयोजन...

मडगाव : येथील श्रीकृष्ण देवस्थान समिती आणि अखिल गोवा पॉवर लिफ्टींग अँड स्पोर्ट्स असोसिएशन यांच्या संयुक्त विद्यमाने पहिली राज्य पातळीवरील 'आमदार श्री' रॉ पॉवर लिफ्टींग स्पर्धा आयोजित करण्यात आली आहे. कालकोंडा मडगाव येथील श्रीकृष्ण मंदिराजवळ शनिवार १७ व रविवार १८ डिसेंबर असे दोन दिवस स्पर्धा होणार असून गोव्यातील नामवंत पॉवर लिफ्टर्स त्यात भाग घेणार आहेत.

आयोजन प्रमुख खुशाली विर्डीकर यांनी दिलेल्या माहितीनुसार, ही स्पर्धा पुरुष आणि महिला अशा दोन गटात होणार असून एकूण 2 लाख रूपयांची रोख बक्षिसे आणि आकर्षक करंडक बक्षिस रुपात दिला जाणार आहे. पुरुष गटात सात तर महिला गटात चार वजनी गटासाठी ही स्पर्धा होणारं असून पुरुष आणि महिलांसाठी उत्कृष्ट बेंच प्रेस, स्कॉट आणि डेडलिफ्ट अशी वैयक्तिक तसेच बलवान पुरुष आणि बलवान महिला अशी बक्षिसे ठेवण्यात आली आहेत. आमदार दिगंबर कामत या स्पर्धेचे प्रमुख पुरस्कर्ते आहेत.