गोवा एनर्जी डेव्हलपमेंट एजन्सीने (गेडा) सौर ऊर्जा विकासासाठी मुख्यमंत्री डॉ. प्रमोद सावंत यांच्या हस्ते ऑनलाईन पोर्टल सुरू केले आहे. सौर ऊर्जेचा वापर आणि शाश्वत विकासाच्या दिशेने हे एक चांगले पाऊल आहे, असे गौरवोदगार पंतप्रधान नरेंद्र मोदी यांनी ‘ट्विट’द्वारे काढले.
गेडा आणि नवीकरणीय ऊर्जा विभाग तसेच राज्य वीज खाते यांच्या संयुक्त विद्यमाने विकसित केलेले सौर रूफटॉप ऑनलाइन पोर्टल ''गोवा सोलर इन'' लॉन्च केले. यामुळे अर्जाची संपूर्ण प्रक्रिया, सौर प्रकल्पाची स्थापना आणि अनुदानाचे वितरण या पोर्टलद्वारे ऑनलाईन पद्धतीने केले जाईल.
‘गेडा’च्या कर्मचाऱ्यांना प्रशिक्षण दिल्याबद्दल ‘अहा सोलर’ कंपनीचे अभिनंदन करतो. जे लोक आणि संस्था रूफटॉप सौर ऊर्जा निर्मितीचा अवलंब करतील, त्यांच्यासाठी हे पोर्टल उपयुक्त ठरेल.
- डॉ. प्रमोद सावंत, मुख्यमंत्री.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
