गेल्या अनेक वर्षापासून ‘टॅक्सी ॲप’ला विरोध होऊनही सरकारने हा ॲप आणून तो टॅक्सी चालकांवर लादले आहे. या टॅक्सी ॲपच्या माध्यमातून सरकारने टॅक्सी चालकांना वेगवेगळ्या योजनांची आमिषे दाखवली असली तरी ती प्रत्यक्षात मिळण्याची शक्यता नाही.
सरकारकडून ही दिशाभूल केली जात असल्याचे मते टॅक्सी चालक संघटनेच्या काही पदाधिकाऱ्यांनी व्यक्त केली आहेत. सरकारला टॅक्सी चालकांचे प्रश्‍न न सोडवता हा ॲप सक्तीचा करण्याचा डाव आहे. हा टॅक्सी ॲप राज्यात सुरू करण्यामागे पर्यटनमंत्री रोहन खंवटे असून त्याला मुख्यमंत्री डॉ. प्रमोद सावंत हे पाठिंबा देत आहे.
हा ॲप सुरू करण्यासाठी आवश्‍यक असलेला वाहतूक खात्याकडून तात्पुरता परवाना घेऊन ते सुरू करण्यात आलेले आहे. त्यांनी टॅक्सी चालकांच्या भविष्याचा विचार केला नसून हा पारंपरिक टॅक्सी व्यवसायातून गोमंतकियांना काही दिवसांनी घरी बसण्याची पाळी येणार आहे, असे टॅक्सी चालक संघटनेच्या काही पदाधिकाऱ्यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
