फेसबुकवर राष्ट्रध्वजाचा अवमान केल्याप्रकरणी जुने गोवे पोलिसांनी नाझारिओ डिसोझा याच्याविरुद्ध गुन्हा दाखल केला असून संशयिताने अटकपूर्व जामिनासाठी न्यायालयात धाव घेतली आहे. त्यावरील सुनावणी उद्या 21 ऑगस्टला पणजी सत्र न्यायालयात ठेवण्यात आली आहे. सांताक्रुझचे पंचसदस्य इनासिओ परेरा यांनी यासंदर्भात पोलिसात तक्रार दाखल केली.
नाझारिओ डिसोझा याने राष्ट्रध्वजाचा अवमान करण्याबरोबरच त्याच्या कोडचे उल्लंघन केले आहे. तसेच पंतप्रधान नरेंद्र मोदी यांचाही अवमान केला आहे. त्याने केलेल्या या कृत्याबद्दल तक्रार दाखल करत असल्याचे सांताक्रुझचे पंच सदस्य असलेले इनासिओ परेरा यांनी तक्रारीत म्हटले आहे.
दरम्यान, संशयित नाझारिओ यांच्या विरूद्ध गुन्हा नोंद झाल्यानंतर जुने गोवे पोलिसांनी चौकशीसाठी बोलावले होते. मात्र आजारी असल्याचे कारण सांगून उपस्थित राहिले नाही.
आक्षेपार्ह पोस्ट
स्वातंत्र्यदिनानिमित्त नाझारिओ डिसोझा याने फेसबूक प्रोफाईलवर एक आक्षेपार्ह व अवमानास्पद पोस्ट टाकली आहे. त्यात देशाच्या पंतप्रधानांना राष्ट्रध्वजावर गिरगिट म्हणून चित्रित केले आहे.
हा अनादर केवळ आपल्या राष्ट्रीय ध्वजाचाच नव्हे, तर पंतप्रधानांचाही अवमान आहे. त्यांच्या या आक्षेपार्ह वर्तनाबाबत जबाबदार धरून त्याच्याविरुद्ध कारवाई करावी, अशी मागणी तक्रारदार परेरा यांनी पोलिसांकडे दिलेल्या तक्रारीत केली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
