पणजी : विरोधात असताना मी कधीच तम्नार वीज प्रलकल्पाला विरोध केला नाही. उलट प्रकल्‍प चांगला असल्याचे भाषण विधानसभेत केले होते. आम आदमी पक्षाला (आप) ते काय बोलतात त्याबद्दल त्यांना माहिती नसल्याचे दिसून येते. माझ्यावर टीका करण्यापूर्वी त्यांनी स्वतःकडे लक्ष देण्याची गरज आहे, असा पलटवार वीजमंत्री सुदिन ढवळीकर यांनी केला. पर्वरी येथील मंत्रालयात ते पत्रकारांशी बोलत होते.
विरोधात असताना ढवळीकर यांनी तम्नार प्रकल्पाच्या विरोधात विधानसभेत भाषण केल्याचे आपने विधान केले होते, त्यावर ते बोलत होते. तम्नार प्रकल्पावर विधानसभेत भाषण केले होते. परंतु, त्यात देखील प्रकल्पाचे समर्थन केले होते. राज्यात अतिरिक्त विजेची आवश्‍यकता असून सुमारे 200 मेगावॉट तुटवडा आहे. तम्नार प्रकल्पातून सुमारे एक हजार 200 मेगावॉट सौर्य ऊर्जा निर्माण होणार आहे. याचा फायदा राज्याला होणार आहे, असे ढवळीकर यांनी स्पष्ट केले.
विधानसभेत प्रकल्पावर बोतलताना केवळ वृक्षतोडीला आक्षेप घेतला होता. कारण पर्यावरणदृष्ट्या ते वाईट आहे. त्यासाठी सुपा येथून गोव्यात येणारी समांतर वीजवाहिनी आणण्याची सूचना केली आहे. सर्वोच्च न्यायालयाने देखील आपल्या निरीक्षणात पर्यावरणावर होणाऱ्या परिणामांचा उल्लेख केला असल्याने माझे म्हणणे खरे ठरले आहे, असे ढवळीकर म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
