Goa Congress : उत्तर गोव्यातील खड्डेमय रस्त्यांबाबत काँग्रेस कार्यकर्ते छेडणार आंदोलन

Goa Congress : उत्तर गोव्यातील रस्त्यांची अतिशय दुरवस्था झाली असून रस्त्यांवर मोठमोठे खड्डे पडलेत. त्यामुळे नागरिकांसह वाहनचालक हैराण झाले आहेत. या खराब रस्त्यांमुळे वाहनांचेही नुकसान होत असून अपघातांच्या संख्येतही वाढ झाली आहे.

ही दुरवस्था लक्षात घेत व निद्रिस्त सरकारला झोपेतून जागे करण्यासाठी येत्या बुधवारपासून (ता.१९) उत्तर गोव्यातील प्रत्येकविधानसभा मतदारसंघात प्रशासन व साबांखाला जाब विचारण्यासाठी काँग्रेसकडून आंदोलन छेडले जाणार आहे.

म्हापशात पत्रकार परिषद घेऊन काँग्रेसचे सरचिटणीस विजय भिके यांनी वरील माहिती दिली. तसेच भाजपा सरकारकडून लोकांना मूलभूत पायाभूत सुविधा देण्यास अपयश आल्याने त्यांनी सरकारवर सडकून टीका केली. अ‍ॅड. शंशाक नार्वेकर व अतुल नाईक उपस्थित होते.साधला.

जनता दरबारात जाब विचारणार

येत्या दुसऱ्या जनता दरबारपर्यंत भाजीपाला व टोमॅटोचे दर आटोक्यात न आल्यास म्हापशात होणाऱ्या १४ ऑगस्ट रोजीच्या जनता दरबार कार्यक्रमस्थळी काँग्रेस शांततापूर्वक आंदोलन करून सरकारला जाब विचारणार असल्याचे भिके म्हणाले. तसेच, सरकारने जनता दरबाराद्वारे आपला टाईमपास बंद करावा, अशी कोपरखळी त्यांनी सरकारला मारली.