आमच्या समस्या सोडवा; गोव्यातील मीठ व्यवसायिकांची सरकारला हाक

पेडणे: गोव्यातील मीठ व्यवसायिक अनेक समस्यांनी त्रस्त आहेत. आगरवाडा-चोपडे गावात मिठागरे आहेत. येथील अनेक लोक मीठ व्यवसायिक आहेत. मात्र, या लोकांना रोज विविध समस्यांना तोंड द्यावे लागते.

मिठागर परिसरात जाण्यासाठी रस्ता नाही. शापोरा नदीकिनारी सध्या आठ मिठागरे आहेत. तेथे जाण्यासाठी लोकांना डोक्यावर मिठाचे (Salt) ओझे घेवून एक ते दीड किलोमीटर चालावे लागते. सरकारने किमान दुचाकी चालवण्यासाठी तरी रस्ता करावा, अशी गावकऱ्यांची मागणी आहे. (Goa Salt Farmer News Update)

शापोरा नदीच्या संरक्षण बंधाची उंची कमी असल्याने भरतीच्यावेळी किंवा पावसाळ्यात (Monsoon) नदीचे पाणी मिठागरापर्यंत येते. परिणामी नुकसान होते. मिठागरांचे नुकसणीपासून बचाव करण्यासाठी बांधाची ऊंची वाढवावी, अशीही मागणी होत आहे. सरकारने (Government) आम्हाला मदत केली पाहीजे. या व्यवसायावर अनेक लोकांचे घर चालत आहे. आम्ही या रोजच्या समस्यांना तोंड देऊन कंटाळलो आहोत, असे येथील लोकांचे म्हणणे आहे.