डिचोली: अपघात टाळण्यासाठी सुरक्षेच्यादृष्टीने प्रतिबंधात्मक उपाययोजना करा, अशी मागणी करीत शिरगावच्या लोकांनी (शुक्रवारी) बांदेकर खाणीवरील खनिज वाहतूक रोखून धरली. अखेर स्थानिक लोकांनी केलेली मागणी खाण कंपनीच्या व्यवस्थापनाने मान्य करून उपाययोजना करण्याचे आश्वासन देताच स्थानिकांनी आंदोलन मागे घेतले.
त्यामुळे जवळपास तीन तास अडकून पडलेली खनिज वाहतूक एकदाची सुरू झाली. असुरक्षितपणे होणाऱ्या खनिज वाहतुकीचा मुद्दा पुढे करुन अजय गावकर यांच्या नेतृत्वाखालील शिरगावचे काही नागरिक सकाळी रस्त्यावर उतरले.
शिरगाव येथे मुख्य रस्त्याला जोडून असलेल्या बांदेकर खाण कंपनीच्या रस्त्यावर या लोकांनी खनिज वाहतूक करणारे ट्रक अडवले. पोलिसही घटनास्थळी दाखल झाले. बांदेकर कंपनीचे खाण व्यवस्थापक विनोद सिंग आणि अन्य अधिकाऱ्यांनी आंदोलकांशी चर्चा करून उपाय करण्याचे आश्वासन दिले.
पाळे -शिरदोन येथील जमिनीचे ‘३९- ए’ अंतर्गत रूपांतरण करण्यात आले आहे. ते रुपांतरण रद्द करण्यात यावे, या मागणीसाठी येथील ग्रामस्थांनी नगर नियोजन (टीसीपी) कार्यालयात सकाळी ठिय्या आंदोलन केले. मागणी मान्य न झाल्याने ग्रामस्थांनी रात्री उशिरापर्यत ठिय्या मांडला होता.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.