Bicholim News: डिचोलीतील शाळांना 'गळती', प्रशासनाचा धिम्यागतीने कारभार सुरू

गळतीची शक्यता ः मॉन्सूनपूर्व दुरुस्ती करण्याकडे दुर्लक्ष
Bicholim News
Bicholim NewsDainik Gomantak

Bicholim News डिचोलीतील काही शाळांनी अद्यापही मॉन्सूनपूर्व कामे करण्याकडे लक्ष दिले नसल्याचे आढळून येत आहे. नवीन शैक्षणिक वर्ष जवळ आले असून, शाळा इमारतींची पावसाळापूर्व देखभाल आदी प्रतिबंधात्मक कामे वेळीच केली नाहीत, तर यंदाही पावसाळ्यात काही शाळांना `गळती`ची समस्या उद्भवण्याची शक्यता आहे.

गोवा राज्य साधनसुविधा विकास महामंडळातर्फे चार-पाच वर्षांत मिळून डिचोलीतील विठ्ठलापूर, केंद्रशाळा-डिचोली, देसाईनगर-साखळी, मुळगाव, अडवलपाल, उसप लामगाव, मये आदी भागातील प्राथमिक शाळांसाठी सुसज्ज इमारती बांधल्या आहेत.

तर काही शाळा इमारतींच्या छपरांची दुरुस्ती करण्यात आली आहे. तरीही काही ग्रामीण भागातील शाळा इमारती अजूनही पूर्वीप्रमाणे आहेत, त्याच अवस्थेत आहेत.

या शाळांनी पावसाळापूर्व प्रतिबंधात्मक कामे करणे आवश्यक असतानाही त्याकडे दुर्लक्ष झाल्याने पालकांनी आश्चर्य व्यक्त केले.

Bicholim News
Panaji Crime Case : सुमित मृत्यूप्रकरणातील संशयित फरारी

कौले फुटलेल्या अवस्थेत

डिचोलीतील काही शाळांचे छ्प्पर नादुरुस्त अवस्थेत असल्याचे आढळून येत आहे. काही इमारतींच्या छपरांवरील कौलेही फुटलेली आहेत.

शाळा इमारतीची फुटलेली कौले बदलणे आदी देखभालीची कामे पावसाळ्यापूर्वी करणे आवश्यक आहे. मात्र, ही देखभालीची कामे करण्याकडे अजूनही दुर्लक्ष झालेले आहे.

Bicholim News
Mopa Airport: मनोहर विमानतळावर आता होणार वेळेची बचत; चेक-इन, बॅगेज ड्रॉपसाठी जलद सुविधा कार्यरत

जबाबदारी कोणाची?

शाळांची सध्याची स्थिती पाहता, ही जबाबदारी कोणाची? असा प्रश्न पडत आहे. शाळांचे निकाल जाहीर झाल्यानंतर ग्रामीण भागातील बहूतेक शाळांनी प्रवेश प्रक्रियाही सुरू केली आहे. सध्या प्राथमिक शाळा बंद आहेत.

शैक्षणिक वर्ष सुरू होईपर्यंत शाळा बंद असणार आहेत. तोपर्यंत पावसाळा सुरु होणार आहे. पावसाळ्यापूर्वी शाळांची दुरुस्ती झाली नाही, तर शाळांना गळती लागण्याची शक्यता आहे. यापूर्वीही पावसाळ्यात काही शाळांनी हा वाईट अनुभव आलेला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com