Panaji Crime Case : सुमित मृत्यूप्रकरणातील संशयित फरारी

साथीदारही गायब : पोलिसांकडून अत्याधुनिक यंत्रणेद्वारे शोध सुरू
Panaji Crime
Panaji Crime Gomantak Digital Team

Panaji Crime Case : कामराभाट येथील सुमित मेगेरी याच्या मृत्यूप्रकरणातील आगशीचा संशयित मायरॉन फर्नांडिस व त्याचे साथीदार फरारी झाले आहेत. संशयितांच्या घरी त्यांचा शोध घेण्यात आला, मात्र गुन्हा नोंद झाल्यापासून ते घरीच आले नसल्याची माहिती कुटुंबीयांनी दिली. पोलिसांनी अत्याधुनिक यंत्रणेद्वारे त्यांचा शोध चालवला आहे.

संशयितावर सदोष मनुष्यवधाचा गुन्हा दाखल झाल्याने घाबरूनच ते पसार झाले असावेत, असे मत तपास अधिकाऱ्यांनी व्यक्त केले. ज्या दिवशी सुमित मेगेरी याला संशयितांनी मारहाण केली होती, त्याची व्हिडिओ क्लीप पोलिसांना देण्यात आली आहे.

त्याआधारे पोलिस अधिक माहिती जमवत आहेत. संशयितांनी त्यांचे मोबाईल फोन बंद ठेवले वा सिमकार्ड बदलले असण्याची शक्यता आहे. संशयितांच्या घरावर पाळत ठेवली आहे. कामराभाटवासीयांनी हे प्रकरण लावून धरल्याने पोलिसांवर दडपण आले आहे.

Panaji Crime
BJP in Sanquelim : साखळी नगराध्यक्षपदी रश्मी, तर उपनगराध्यक्षपदी आनंद?

सुमित मेगेरी याला फेब्रुवारीत संशयितांनी रस्त्यामध्ये अडवून त्याला बेदम मारहाण केली होती. जमिनीवर पाडून डोक्यावर लाथा मारल्या होत्या. डोक्याला किरकोळ जखम झाली होती, मात्र डोक्याच्या आत झालेल्या जखमा दोन महिन्यानंतर अधिक तीव्र झाल्याने त्यातच त्याचा मृत्यू झाला. त्यावेळी त्याच्या डोक्याचे स्कॅनिंग केले नव्हते त्यामुळे मेंदूला झालेल्या जखमा तेव्हा दिसल्या नव्हत्या. गोमेकॉतील डॉक्टरांनी किरकोळ जखमा असा अहवाल दिल्याने पणजी पोलिसांनी त्याआधारे अदखलपात्र गुन्हा नोंदला होता. त्यावेळी मेगेरी याने अज्ञातांविरुद्ध तक्रार दाखल केली होती.

Panaji Crime
Ada Sharma Accident : हिंदू एकता यात्रेला जात असताना अदा शर्मा आणि सुदीप्तो सेन यांचा अपघात!

मृत्यूला कारण मारहाण?

मारहाण झाल्यापासून मेगेरी याचे डोके अधूनमधून दुखत होते. त्याने डॉक्टरकडे जाऊन त्याची तपासणी केली नव्हती. त्यानंतर त्याला ताप आला होता. उपचार सुरू असतानाच त्याचे इस्पितळात निधन झाले होते. त्याच्या मृत्यूला फेब्रुवारीत त्याला झालेली मारहाण कारण असल्याचा दावा करून कामराभाटच्या रहिवाशांनी या प्रकरणाच्या चौकशीची विनंती केली होती.

Panaji Crime
Vasco: गोवा पोलिसांना चकमा देऊन पळाला आरोपी; चोरी प्रकरणात होता अटकेत, अखेर...

त्यानुसार पोलिस निरीक्षक निखिल पालेकर यांनी ‘गोमेकॉ’कडून शवचिकित्सा अहवाल घेतला. त्यात त्याचा मृत्यू मेंदूतील जबर जखमेमुळे झाल्याचे नमूद केले होते. ही जखम दोन महिन्यांपूर्वी झालेल्या मारहाणीची असू शकते, असेही त्यात निष्पन्न झाल्याने मारहाण करणाऱ्यांविरुद्ध 304 (अ) खाली गुन्हा दाखल झाला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com