Manohar International Airport at Mopa: उत्तर गोव्यात डिसेंबर 2022 रोजी नव्याने सुरू झालेल्या मनोहर विमानतळाचे उद्धाटन करण्यात आले. 05 जानेवारी 2023 पासून या विमानतळावरून विमान उड्डाणे सुरू झाली. मागील चार महिन्यांपासून विमानतळ सुसाट सुरू आहे.
मनोहर विमानतळ अद्याप अपडेट असून, अनेक सुविधा हळूहळू येथे सुरू होत आहेत अशीच एक सुविधा विमानतळावर कार्यान्वित करण्यात आली असून, त्यामुळे प्रवाशांचा विमानतळावर वेळ वाचणार आहे.
मनोहर विमातळावर मोबाईल चेक-इन काउंटर आणि सेल्फ-बॅगेज-ड्रॉप सुविधा कार्यरत करण्यात आली आहे. यामुळे प्रवाशांना चेक-इन काउंटर येथे तासंतास रांगेत ताटकळत थांबण्याची गरज भासणार नाही. शिवाय सेल्फ-बॅगेज-ड्रॉप सुविधामुळे स्वत: सोबत असलेल्या साहित्याची देखील अधिक काळजी करण्याची गरज नाही.
या दोन्ही सुविधेमुळे प्रवाशांच्या वेळेत मोठी बचत होणार असून, चेक-इन आणि बॅगेजची झंझट मिटणार आहे. तसेच, यामुळे येणार ताण देखील कमी होणार आहे.
दरम्यान, गोव्यातील उड्डाण संचालनाच्या 116 दिवसांत मोपा येथील मनोहर आंतरराष्ट्रीय विमानतळाने 10 लाख प्रवाशांची नोंद केली असल्याचे GMR गोवा आंतरराष्ट्रीय विमानतळतर्फे सांगण्यात आले आहे. (सहा मे रोजी दिलेली आकडेवारी) देशभरातील 25 वेगवेगळ्या शहरांना जोडणाऱ्या उड्डाणांसह, खाजगी विमानतळ देशांतर्गत उड्डाणांसाठी टॉप 20 यादीमध्ये गणले जाते.
अजून एक महत्वाची गोष्ट म्हणजे, एप्रिलच्या अखेरीस तीन नवीन शहरे जोडून विमानतळाने भारतातील 25 गंतव्यस्थाने जोडून आपली पोहोच वाढवली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.