Sanjivani Sugar Factory: संजीवनी कारखान्याची 5 कोटींची फसवणूक! महाराष्ट्रातील आरोपी जेरबंद

Sanjivani Sugar Factory: गोव्यात संजीवनी साखर कारखान्याचा विषय सध्या चांगलाच गाजत असताना, त्यातच एक नवी माहिती समोर आली आहे. कारखान्याची फसवणूक करणाऱ्या महाराष्ट्रातील एकाला गोवा पोलिसांनी ताब्यात घेतले आहे.

माहितीनुसार, 2017 साली संजीवनी साखर कारखान्याकडून ऊस तोडणीची टोळी आणण्यासाठी 5.10 कोटी रुपये आगाऊ रक्कम घेऊन कारखान्याला फसवणूक करणारा कंत्राटदार प्रदीप भगवान जमादार (पुणे- महाराष्ट्र) याला सांगे पोलीस स्थानकाचे निरीक्षक प्रवीण गावस जेरबंद केले आहे. प्रदीप जमादारला सध्या न्यायालयीन कोठडी सुनावण्यात आली असून या घटनेचा अधिक तपास सुरू आहे