सासष्टी: साळ नदीप्रश्नी बाणावलीचे आमदार केवळ लोकांची दिशाभूल करत आहेत. प्रत्यक्षात ठोस उपाययोजना करण्याऐवजी ते दिखाऊपणा करत असल्याचा आरोप बाणावली काँग्रेस गटाच्या कार्यकारी समिती सदस्य पॉल लोबो यांनी केला.
बाणावली काँग्रेस गट समितीच्या वतीने आयोजित पत्रकार परिषदेत साळ नदीसंदर्भातील विद्यमान आमदारांच्या भूमिकेवर जोरदार टीका करण्यात आली. यावेळी गटाध्यक्ष किथ ग्रासियस, जिल्हा पंचायत सदस्या लुईझा रॉड्रिगीस, सायमन बार्रेटो, सोलन फुर्तादो आदी उपस्थित होते.
पॉल लोबो म्हणाले की, साळ नदीतील प्रदूषण चिंताजनकरीत्या वाढले आहे. या नदीतील मासळी खाणे धोकादायक ठरत आहे. त्यामुळे संबंधित मासळीची प्रायोगिक तपासणी करणे आवश्यक असल्याचे त्यांनी नमूद केले. तसेच, नदीतून सांडपाणी सोडण्यासाठी पाईप टाकण्यात आल्याचा आरोपही यावेळी करण्यात आला.
या पाईपमधून थेट नदीपात्रात सांडपाणी सोडले जात असल्याने ते तत्काळ हटविण्याची मागणी काँग्रेसतर्फे करण्यात आली. साळ नदीप्रश्नी तात्पुरत्या उपाययोजना नकोत, तर कायमस्वरूपी तोडगा काढणे अत्यावश्यक आहे, असे यावेळी सांगण्यात आले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.